NOTA DE PRENSA
CONCELLO E DEPUTACIÓN ASINAN UN CONVENIO PARA ACONDICIONAR O ANTIGO EDIFICIO DOS LAVADOIROS QUE SE ATOPA NO CASCO ANTIGO DE RIBADEO.
Ribadeo, 3 de setembro de 2010. O alcalde de Ribadeo, Fernando Suárez, asinou en Lugo co responsable da Área de Cultura da Deputación, Antonio Veiga un convenio de colaboración para acondicionar o antigo edificio dos lavadoiros como espazo de reunións. A subvención concedida ao Concello ascende a máis de 25.000 euros.
O rexedor agradeceu “á Deputación a súa colaboración e en especial á Área de Cultura por axudar ao Concello con esta achega de 25.000 euros, que posibilitan non só rehabilitar un inmoble que estaba prácticamente en desuso, senón tamén que sexa empregado para un obxectivo útil, xa que Ribadeo é un concello moi vivo, e cada vez máis, en materia asociativa”.
Fernando Suárez engadiu que “nas vindeiras semanas iniciaremos estas obras, eu creo que o resultado final vai ser moi atractivo porque se conservan os elementos estructurais do que era o lavadoiro, pero ao mesmo tempo se dota de diferente mobiliario e de diferentes elementos para que poida ser perfectamente utilizado. Terá unha grande mesa de traballo, sillas, iluminación, lugar para proxección de videos e diapositivas, etc, e desde logo vai ser un paso importante, nunca dado en Ribadeo, de cara ao movemento asociativo veciñal”.
Pola súa banda, Antonio Veiga dixo que “se cumpre unha nova demanda dos ribadenses, esta vez no que atinxe ao movemento asociativo veciñal, xa que con este centro poderán desenvolver as súas xuntanzas dun xeito máis cómodo”.
O concello de Ribadeo e a Deputación acondicionarán o antigo edificio dos lavadoiros
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
