Nota de Prensa
FERNANDO SUÁREZ ASEGURA QUE AS OBRAS DA TRAVESÍA MARCHAN A BÓ RITMO E SEN QUEIXAS VECIÑAIS. O REXEDOR TILDA DE CAMICACES E TALIBÁNS AOS SOCIALISTAS QUE DÍAS ATRÁS FALARON DE SUPOSTAS IRREGULARIDADES.
Ribadeo, 23 de setembro de 2010. O alcalde de Ribadeo, Fernando Suárez, asegura que as obras da travesía marchan a moi bó ritmo e sen queixas veciñais. O rexedor tilda de camicaces e talibáns aos socialistas tras as acusacións sobre supostas irregularidades realizadas estes días.
Suárez Barcia manifestou que “despois destas grandilocuentes e magnificadas declaracións ás que xa nos ten afeitos o señor López, xa que tal e como parece non vai voltar a presentarse ás eleccións ao igual que o seu compañeiro Balbino Pérez, entón se adican a ser camicaces e auténticos talibáns da causa política local con ánimo única e exclusivamente de desgastar a este alcalde e ao equipo de goberno”. Ao alcalde parécelle que “lles da moita rabia que se fagan cousas, porque a cada pouco aparece un suposto escándalo que logo queda reducido a nada. E desta vez acusan ao Concello de non estar enterado de que a empresa adxudicataria das obras da travesía subcontratou algúns traballos. Como lles dixen o outro día no pleno, o alcalde non ten porque ter na cabeza todos os datos, detalles e datas, a lei me faculta para contestar no pleno seguinte para recabar información dos técnicos municipais, que para iso cobran as nóminas de funcionarios que son para asesorar e informar ao alcalde de todas as cuestións”.
Fernando Suárez dixo que “todas as empresas que traballan para o Concello teñen que cumprir a lei de contratos e polo tanto esta empresa adxudicataria hai varios días presentou a documentación de coordinación de seguridade e saúde e advirte e identifica á subcontrata coa que vai traballar. Paréceme moi deplorable esta actitude do PSOE de desgaste que está a producir uns danos colaterais en moita xente… eles saberán o que están a facer”.
O rexedor de Ribadeo subliñou que “a obra está indo moi ben, a moi bó ritmo, levamos o 10% da obra executada de momento e ten que estar a finais de ano unha parte importante feita. Non hai queixas dos veciños, aténdense as reclamacións de maneira inmediata para que se xeneren as menores molestias posibles e iso é o que precisamente lle preocupa ao PSOE local, que saian as cousas ben, teñen que a calquera prezo reventar todas as cuestións”. Suárez Barcia lembrou que “como todos gobernamos e eles tamén o fixeron ata hai catro días, cando gobernaba Pérez Vacas eu mesmo tiven que mediar nunha situación dunha obra que adxudicou a unha empresa de fóra, non como agora que é de aquí, e dita firma contratou a uns brasileiros aos que nin con contratos nin con papeis nin con nada despois lles querían pagar e despois de estar esta xentiña catro ou cinco días sentados no banco do parque protestando tiven que mediar eu para que a empresa principal lles subcontratara iso. E daquela nin o señor López Pérez nin o señor Pérez Vacas se acordaban de nada e tampouco din nada do polígono industrial, que executa o ministerio que é da súa mesma cor política e que aí, menos a empresa adxucataria, debeu traballar a ONU, en canto a cores, razas, relixións e procedencias e tampouco dixeron nada”.
Fernando Suárez insistiu en que “no caso que nos ocupa a empresa terá que cumprir a lei lóxicamente, pero alégrome que nas partes que teña que subcontratar que contrate a xente de aquí, diso sí que me alegro porque as cousas non están nada ben económicamente e prefiro que contraten a xente de aquí e non de fora e iso parace ser que o que lles preocupa aos señores López Pérez e Pérez Vacas”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
