Nota de Prensa
O UNIÓN ÁFRICA CEUTÍ RECALA NO PARAPETO BURELISTA
O cadro laranxa buscará mañá, na quinta xornada de Prata, manter a imbatibilidade de Vista Alegre. O Unión África Ceutí recalará por primeira vez no parapeto do Burela FS, representando a décima praza, cun punto menos cós de Suso Rey, que están sextos (7 puntos). A cita dará comezo ás 18.30 horas.
Os burelistas enfrontaranse a un conxunto con especial predilección pola defensa a media pista, que intenta aproveitar o erro do rival, ademais de espremer a calidade dos seus mellores xogadores no un contra un. Xunto ao ala ex-burelista Jacobo, o vestiario de Suso Rey tamén posúe referencias ceutís de Serginho e Kike Barroso, cos que xa se enfrontou no Andorra e no Cáceres 2016, respectivamente, ademais de Salvi, que participou nos adestramentos estivais da entidade laranxa hai un par de tempadas.
Sendo fiel a unha liña de evolución continua, o Burela FS pelexará pola súa terceira vitoria como local, despois do valioso empate en Andorra (2-2). O Ceuta, pola súa banda, saltará á pista da bomboneira tras unha enérxica vitoria fronte ao OPDE Ribera Navarra (3-1); antes da xornada de descanso, este conxunto caeu como local ante o Puertollano (1-5) e venceu a domicilio ao descendido Zamora (3-4).
Entre os mariñáns, non poderá participar Víctor Cachón, inmerso en plena recuperación dunha rotura parcial de ligamento lateral interno. Na convocatoria ceutí figuran os gardametas Cárdenas e Abel Casas, ademais dos xogadores Kike Barroso, Coca, Sufi, Ismael, Chito, Serginho, Salvi, Jacobo e o xuvenil Tuli.
Recollida de carnés
Os socios/as 2010-11 que aínda non teñan no seu poder a acreditación desta tempada poderán recoller a entrada, totalmente gratuíta, para o encontro Burela FS-Ceuta, o sábado en Vista Alegre. A partir de mañá, os socios/as laranxas só poderán acceder ás citas burelistas presentando o carné actualizado.
As devanditas credenciais pódense retirar exclusivamente nas oficinas do club (Horario de atención: 10.00-14.00 e 16.00-20.00 horas, de luns a venres). Con este carné, o Burela FS e miapuesta.com obsequian os socios/as laranxas cun bono de 50 euros para participar nos xogos de www.miapuesta.com/clubes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
