COMUNICADO DE PRENSA DO BNG DE RIBADEO
Ante as críticas feitas desde o PSOE de Ribadeo pola convocatoria por concurso-oposición de prazas de persoal laboral por parte do Concello ribadense, o BNG de Ribadeo quere manifestar o seguinte:
1. Non se trata de prazas creadas a partir da nada, é falso. Están sendo xa ocupadas por persoal laboral.
2. Que xusto nesta semana teñamos que escoitar (ou ler) argumentos defendendo a inestabilidade laboral é pouco serio; sobre todo se ao mesmo tempo quen o di se proclama socialista. Pero é que, ademais, é deber da Administración tender a consolidar esas prazas segundo se vaia confirmando co paso do tempo a súa necesidade ofertándoas a través de concurso-oposición baseándose nos principios de igualdade, mérito e capacidade.
3. Desde os anos 90, e segundo foron aumentando as necesidades do Concello, creáronse diversas prazas (mediante a fórmula de contrato laboral) con alcaldes dun e outro signo político. As circunstancias (aumento da poboación, prestación de novos servizos como atención á muller, asistencia a domicilio, desenvolvemento local, inmigración, fomento do deporte, etc.) mudaron considerabelmente. Soñar con cifras de hai 20 anos pode resultar melancólico, pero de seguro é pouco eficaz. Poñamos os pes no chan.
4. Outro aspecto que pode levar a malos entendidos é a afirmación de que, ao sacar estas prazas a concurso-oposición iso vai supoñer moito máis gasto para o Concello. Falso. Os servizos que prestan seguirán a ser subvencionados pola Xunta. É máis: ao dotar de estabilidade a estes postos de traballo entón a axuda poderá ser maior (así ven recollido nas bases, onde se contempla como mérito a estabilidade do persoal que presta ditos servizos).
5. Bo sería que algunhas persoas se puxeran máis ao día dos intentos por parte do Concello de Ribadeo de mancomunar servizos para abaratar custos. Nos casos de políticas sociais téñense feito intentos, algúns dos cales frutificaron (no tratamento de drogodependencias, ou no de información á muller) e noutros non (aínda que foran ser claramente beneficiosos para outros Concellos).
6. O grupo municipal do BNG, que día a día segue a sacar adiante o goberno do Concello de Ribadeo, ten moi claro que hai que racionalizar os recursos humanos e artellalos de tal xeito que poidamos maximizar o seu rendemento. En máis dunha ocasión ten dado mostras tanto de actitude dialogante como de posicións firmes á hora de defender os intereses de todas as xentes de Ribadeo. Estraña que algúns partidos, que ata o de agora defenderon cousas ben pouco cribles ante a cidadanía, como aboar os famosos 64.000€ en forma de suba lineal sen ningún tipo de contraprestación á hora de asignar funcións aos traballadores e traballadoras do Concello, agora se erixa como o máximo defensor do aforro. Bo sería que comezara clarificando a súa postura ante dito tema.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
