Nota de prensa
RAQUEL ARIAS EXPLICA ANTE OS COMERCIANTES DE VIVEIRO O NOVO MARCO REGULADOR QUE INTRODUCIRÁ A PRIMEIRA LEI DE COMERCIO DE GALICIA REALIZADA NOS ÚLTIMOS 20 ANOS
* A norma, que é froito do diálogo co sector, ordena fenómenos como as rebaixas e establece o funcionamento de fenómenos recentes, como os ‘outlets’, as feiras de oportunidades
* Os centros comerciais abertos das localidades costeiras de Viveiro e Ribadeo recibiron a redor de 150.000 euros
* A delegada territorial indicou que a Xunta distribuíu en Lugo 540.000 euros para a modernización do comercio rural, dos que case a metade corresponden a establecementos da Mariña
Viveiro, 26 de outubro de 2010.- A delegada territorial da Xunta, Raquel Arias, referiuse aos aspectos máis destacados da nova Lei de Comercio de Galicia e ás diversas liñas de axuda ás que poden optar os comerciantes galegos nunha xornada formativa que tivo lugar hoxe en Viveiro. En concreto, Arias explicou estas medidas de impulso ao sector do comercio nun foro orientado aos comerciantes de Viveiro e promovido pola Federación Galega de Comercio.
Precisamente o día en que o conselleiro de Economía e Industria, Javier Guerra, presentaba o proxecto de Lei de Comercio de Galicia no Parlamento, Arias informou aos comerciantes de Viveiro das vantaxes que achegará esta norma, “feita dende o diálogo co sector, que beneficia ao pequeno comercio e garante os intereses dos consumidores”, segundo sinalou.
A delegada territorial subliñou que a lei ordena por primeira vez en Galicia figuras comerciais aparecidas nos últimos anos, como os Centros Comerciais Abertos, a figura dos ‘outlets’ ou as feiras de oportunidades. Así mesmo, regulará as rebaixas, da liberdade absoluta no emprego do idioma e establece a creación de novos órganos: O Observartorio do Comercio Galego, Mesas Locais de Comercio e Consello Galego de Comercio.
Arias realizou estas declaracións diante do propio presidente do Centro Comercial Aberto Casco Histórico de Viveiro, Luis Vigo, e de numerosos comerciantes adscritos a esta entidade. No acto participou tamén o vicepresidente da Federación Galega de Comercio, José Sánchez Bergantiños.
A norma regula tamén as promocións en xeral -e as rebaixas en particular- e a liberdade absoluta no uso do idioma. Así mesmo, da lugar á creación de novos órganos como o Observatorio do Comercio Galego, as Mesas Locais de Comercio e o Consello Galego de Comercio.
Axudas ao sector
A delegada referiuse tamén ao Plan Ágora Re-comercia, que contempla diversas liñas de axuda dirixidas aos comerciantes a título individual, ás asociacións de comerciantes, e aos concellos. “Todas elas –explicou- contribúen a construír un sector comercial galego máis competitivo e dinámico”.
Arias explicou os obxectivos dos distintos programas e deu conta dos resultados daqueles que xa están resoltos. Así, comunicou que as axudas para a modernización do comercio rural de Galicia deixou este ano en Lugo unha contía global de 540.000 euros, distribuída entre 76 comercios instalados en 36 concellos lucenses. Case a metade dos comercios, en concreto, 33, pertencen á comarca da Mariña.
Pola súa banda, informou de que o Centro Comercial Aberto Casco Histórico de Viveiro recibe este ano unha subvención da Dirección Xeral de Comercio de preto de 70.000 euros (69.526 euros), cifra moi similar á concedida ao Centro comercial Aberto de Ribadeo.
Esta liña de axudas, para a dinamización e revitalización dos centros comerciais abertos, beneficiou tamén na provincia de Lugo aos de Lugo (Lugo Centrum), Sarria, Monforte de Lemos e Chantada.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
