Nota de prensa:
SUÁREZ BARCIA PÍDELLE AO SUBDELEGADO DO GOBERNO QUE SE REFORCEN AS MEDIDAS DE SEGURIDADE EN RIBADEO TRAS A OLEADA DE ROUBOS QUE SE ESTÁN A PRODUCIR NA MARIÑA LUCENSE E NO OCCIDENTE ASTURIANO. O REXEDOR FÍXOLLE CHEGAR A VÁZQUEZ PORTOMEÑE A PREOCUPACIÓN DOS VECIÑOS.
Ribadeo, 19 de outubro de 2010. O alcalde, Fernando Suárez, fíxolle chegar ao subdelegado do Goberno a preocupación veciñal tras a oleada de roubos que se están a producir en casas e pisos da Mariña lucense e do Occidente asturiano. O rexedor lembrou que dous deses roubos foron cometidos en Ribadeo.
Suárez Barcia dixo que “como alcalde transmíteseme certa preocupación veciñal, eu son consciente diso e esta mesma mañá contactando coa Subdelegación do Goberno o que lle pido a Xosé Vázquez Portomeñe é que se extremen ou se reforcen as medidas de vixianza dos corpos e forzas de seguridade do Estado en Ribadeo, e que nas xuntas locais de seguridade que se fan cos Concellos non temos problema en que se mellore ou reforce a colaboración entre a Garda Civil e a Policía Local, aínda que para este tipo de cuestións, por persoal, por capacidade e por traballo sempre será a Garda Civil a que teña que intervir”.
O alcalde considera que “debo alertar e transmitir a preocupación dos veciños, tanto dos afectados por eses roubos como doutros posibles obxectivos destas bandas que, polo xeito de actuar, parecen organizadas e non están radicadas nun concello soamente senón que son itinerantes, están a facer moito mal e creando moito temor cidadán. Confío en que a Subdelegación do Goberno dean cumprida resposta a esta lexítima demanda que facemos desde Ribadeo”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
