Nota de prensa
COMUNICADO DE PRENSA DO BNG DE RIBADEO
Desde o BNG de Ribadeo queremos facer un chamamento para participar, este domingo 21 de novembro na manifestación en defensa da sanidade pública que se vai celebrar en Santiago de Compostela.
Dun ou outro xeito, todos estamos a sufrir as consecuencias dunha política sanitaria do goberno do PP que pouco a pouco vai diminuíndo os recursos asignados á sanidade pública. Na nosa comarca ben sabemos dos intentos por baleirar de contido o hospital comarcal.
Para mostrar o noso rexeitamento a estas políticas antisociais, o BNG vai apoiar, entre outros moitos colectivos sociais, a manifestación que vai saír da Alameda de Santiago, este domingo 21 de novembro ás 12:00 h.
Non debemos esquecer que en apenas dous anos, o Goberno do PP quitoulle máis de 220 millóns de euros á sanidade pública
Os nacionalistas denunciamos que en apenas dous anos o Goberno do PP quitoulle á sanidade pública 221 millóns de euros: 38 nos orzamentos para 2010 e 183 millóns que lle quitou nos orzamentos para o vindeiro ano.
As consecuencias dese drástico recorte do Goberno de Feijóo en gasto social están á vista de todos e todas: máis listas de espera, ningunha construción de centro sanitario e aprazamento sen data da construción de novos hospitais, como os de Vigo ou Pontevedra.
Ademais, e o que é máis grave, para o BNG o Partido Popular está a aproveitar a crise económica para privatizar a sanidade pública galega, entregándolla aos bancos e empresas construtoras, en definitiva ao capital privado para facer negocio, coas nefastas consecuencias que isto terá para un país como Galiza, onde temos unha poboación envellecida e pensións e salarios baixos.
Isto xa o estamos a ver, por exemplo, no novo hospital de Vigo, que o Goberno de Feijoo entregou ao capital privado para que sexa el quen o constrúa, a pesar de que sairá moito máis caro que se o construíse a administración pública, que se verá obrigada a pagar durante máis de 30 anos un canon millonario á empresa construtora.
En definitiva, para o BNG, as políticas do Partido Popular en materia de sanidade levan á privatización, ao estrago de recursos públicos e, á larga, a un peor servizo sanitario para todos e todas.
Por todo iso, os nacionalistas chamamos a todos os ribadenses e mariñáns a participar o próximo domingo en Santiago na manifestación en defensa da sanidade pública e contra as políticas privatizadoras e incompetentes do Goberno do Partido Popular.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
