Nota de prensa
Mondoñedo, 19 de novembro de 2010
O GDR INICIA NA PRÓXIMA SEMANA UNHA ROLDA DE XUNTANZAS COS SECTORES AGRARIO E FORESTAL.
Nestas xuntanzas explicaranse as axudas destinadas a estes sectores dentro do Programa Leader 2007-2013 e trataranse as distintas problemáticas que lles afectan ou lles preocupan.
O luns da vindeira semana, día 22 de novembro, terá lugar a primeira das xuntanzas, que se realizará na parroquia de Sante, en Trabada ás 12 da mañá.
O GDR da comarca de A Mariña inicia na semana que vén unha rolda de contactos cos sectores agrario e forestal de cara a facilitarlles toda a información relativa ás axudas das que poden ser beneficiarios dentro do Programa Leader 2007-2013. Igualmente, os membros do GDR aproveitarán para coñecer de primeira man cal é a situación destes sectores e para poñer en común as problemáticas e preocupacións existentes no medio rural.
“O feito de ter estas xuntanzas vén determinado pola importancia estratéxica e o peso dos sectores agrario e forestal na nosa comarca”, explican desde o GDR. “Para o grupo é fundamental que estes sectores participen activamente no desenvolvemento rural e que este vaia ligado ao aumento de rendabilidade das explotacións agro-gandeiras e forestais”.
As axudas para estes sectores poden acadar o 45% de porcentaxe de subvención cunha limitación máxima de 250.000 euros.
CELEBRARANSE XUNTANZAS EN TODOS OS CONCELLOS CON EXPLOTACIÓN DESTES TIPOS.
O calendario de xuntanzas iníciase o luns, 22 de novembro ás 12 horas, na parroquia de Sante, en Trabada.
A seguinte xuntanza será o martes, 23, en Cubelas (Ribadeo) á mesma hora. E na xornada do mércores, tamén no mesmo horario, tocaralle o turno á parroquia de San Xusto, en Barreiros. As xuntanzas chegarán a Mondoñedo o venres pola mañá, ás 12 horas, coa celebración da mesma no centro comarcal (o antigo cuartel).
Na seguinte semana o GDR visitará os concellos de Alfoz, Ourol e Xove.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
