Nota de prensa
Nin o maquillaxe contábel nin os trucos para rebaixar os datos conseguen impedir o primeiro posto do Hospital da Costa nas listas de espera
Veiga acusa ao PP de exceso de optimismo mentres os mariñaos seguen vendo como o seu hospital continúa na cola da calidade asistencial do servizo público sanitario galego
Os nacionalistas piden aos mariñaos que denuncien publicamente e reclamen polas canles existentes as eivas do servizo sanitario
A Mariña, 24 de xaneiro de 2011. O BNG volveu considerar lamentábeis os datos referidos ás listas de espera no Hospital da Costa publicados a semana pasada pola Consellaría de Sanidade na súa web. Aínda coa maquillaxe dos datos e a obsesión dos xestores sanitarios por rebaixalos, ás veces usando sistemas de auténtica enxeñería contábel, o hospital segue estando á cabeza de todos os de xestión pública do Servizo Galego de Saúde, moi por diante doutros con moita maior carteira de usuarios e so por detrás do POVISA de Vigo que non pode derivar pacientes a outros hospitais como si fai o Hospital mariñao. Os nacionalistas aseveran en dous anos Sanidade recortou en 400 millóns o investimento sanitario en Galiza, mais de 180 no 2011, e sen financiamento nin persoal seguirá sen mellorar.
O Hospital da Costa á cabeza do país nas listas de espera en cirurxía e primeiras consultas aínda con peonadas.
O Portavoz Comarcal Nacionalista, Antonio Veiga, criticou o “exceso de optimismo do PP”, diante duns datos sobre listas de espera do Hospital da Costa que deixan dúas cousas ben claras “Burela e o hospital con peores datos en listas de espera en cirúrxica e o terceiro en primeiras consultas a pesar da peonadas e o maquillaxe interesado dos datos”. Veiga aclarou que “nin os sofisticados métodos para evitar os datos reais conseguen sacar ao Hospital da Costa do furgón de cola do sistema público de saúde galego”. O nacionalista aludiu as listas de espera cirúrxicas co Hospital da Costa con 88 días de media“situándose á cabeza de todos os do sistema público, moi por riba de outros con maior carteira de usuarios e só por debaixo de POVISA que e u centro concertado, que non deriva pacientes a outros centros como si fai o Hospital de Burela”. Na mesma liña, o nacionalista, fixo mención á lista de espera en primeiras consultas, que aínda recoñecendo unha rebaixa con respecto ao anterior trimestre, “segue no terceiro posto do conxunto do sistema”.
A cidadanía mariña non debe relaxarse e ten que reclamar as melloras que merece na calidade asistencial.
Antonio Veiga, non dubidou en pedir á cidadanía mariñá que estea alerta e denuncie publicamente e polos mecanismos administrativos existentes as eivas en asistencia sanitaria como único método para poder mellorar; o nacionalista lembrou o caso da nai de Foz que pariu camiño de Lugo unha das súas xemelgas e outra xa no Hospital de Lugo por non contar con medios na Mariña para partos de especiais características, e evidente dixo Veiga, que casos como non se deben repetir tal como se reclamou na manifestación celebrada en Burela no pasado mes de maio.
Por moito que se esforcen os profesionais e difícil mellorar sen persoal e rebaixando o orzamento sanitario.
Veiga acusou ao PP de levar adiante o progresivo desmantelamento do sistema público de saúde mediante a súa privatización e os recortes no orzamento sanitario público, o nacionalista explicou que o goberno de Feijoo diminuíu nos orzamentos 2010 e 2011, preto de 400 millóns de euros con respecto aos de 2009 e, “sen persoal nin investimentos e difícil mellorar aínda co esforzo do persoal sanitario” e lembrou que a Xunta reduciu en medio millón o investimento para o hospital con respecto a 2010 e as obras que debían estar rematadas o ano pasado aínda están en execución.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
