Nota de prensa:
700 ESCOLARES DISPUTAN ESTA FIN DE SEMANA AS FINAIS DOS CAMPIONATOS PROVINCIAIS DE ATLETISMO, VOLEIBOL E BALONCESTO
O programa de deporte escolar ‘Xogade’, que desenvolve a Xunta de Galicia, a través da Secretaría Xeral para o Deporte, involucra a máis de 8.000 nenos e nenas da provincia distribuídos en 22 modalidades deportivas
Lugo, 28 de abril de 2011.- Esta fin de semana dispútase a fase final dos campionatos provinciais nas categorías de atletismo, baloncesto e voleibol organizados no marco do programa de deporte escolar Xogade, que desenvolve a Xunta de Galicia, a través da Secretaría Xeral para o Deporte, en colaboración coas federacións respectivas.
Arredor de 700 escolares de toda a provincia chegaron á fase final destas tres modalidades, dos preto de 2.000 que iniciaron a competición. A final máis concorrida será a de atletismo, que congregará o domingo 1 de maio, nas pistas do Estadio Gregorio Pérez Rivera (Lugo), a 350 participantes pertencentes a 25 entidades deportivas da provincia.
Ao longo de toda a xornada –entre as 11.00 e as 19.00 horas aproximadamente- sucederanse as probas de lonxitude, peso, altura, pelota, martelo, xavelina, disco ou pértega, nas categorías infantil, alevín e benxamín.
O sábado, 30 de abril, disputaranse as finais de voleibol e baloncesto. A final do campionato provincial de voleibol terá lugar na Casa do Deporte, na zona de Frigsa, a partir das 11.30 horas.
Os equipos en liza serán: Escolapios de Monforte e distintos equipos do Emevé de Lugo -F1, F2 e F3- (categoría alevín feminina); Ferroviario de Monforte e o Emevé -M1 e M2- (categoría mixta); e Escolapios de Monforte e o Emevé (benxamín feminina).
En total, os equipos que loitarán polo triunfo nas categorías de alevín e benxamín englobarán a participación duns 200 participantes.
Polo que respecta ao campionato de baloncesto, compre subliñar que se disputará en dúas sedes: O pavillón municipal de Vilalba, onde a partir das 10.30 horas se disputará a final da categoría benxamín masculino, e o pavillón de Frigsa, que acollerá á mesma hora aos alevíns masculinos e femininos.
Os 12 equipos da provincia que tomarán parte nestas finais son: Galén IV, Franciscanos 2001, C.B. Ría de Ribadeo e Estudiantes Naranja Leyma Natura (categoría benxamín masculino); Estudiantes Leyma Natura, o María Auxiliadora, Martínez Otero e Cidade de Lugo (categoría alevín feminino).
Por último, na categoría alevín masculino participan: Maristas 99, Cidade de Lugo, Martínez Otero e Estudiantes Leyma Natura.
O programa Xogade comprende en total 22 modalidades deportivas que mobilizan a 8.179 nenos e nenas na provincia. O interese que esta iniciativa esperta entre os colexios e entidades vinculadas ao deporte infantil e xuvenil queda demostrado polo dato de que este curso o número de participantes incrementouse nun 20% con respecto ao do ano pasado.
Aposta polo deporte
A Xunta de Galicia reforzou este curso a aposta polo deporte de base que representa o programa Xogade, incrementando o número de modalidades deportivas e intensificando o desenvolvemento doutras actividades paralelas aos campionatos.
Dentro destas últimas destaca a actividade lúdica Xogo, que persegue achegar aos escolares a diferentes disciplinas deportivas, empregando a mellor das ferramentas das que se dispón en educación, o xogo.
Xogo ofrece aos nenos e as nenas de primaria, secundaria e, coma novidade este ano bacharelato, a posibilidade de achegarse de forma lúdica ao deporte. Dada a gran demanda que esta actividade rexistrou o pasado ano, a Secretaría Xeral para o Deporte aumentou a oferta con sete modalidades novas, entre as que se atopan o xadrez, baile deportivo, béisbol, remo, rugby, voleibol e ximnasia na escola.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
