Nota de prensa
Arranca hoxe a 40 edición do Taller Internacional de Tendencias Cerámicas Sargadelos 2011
– A Deputación, a través do CENTRAD, converte a Cervo na capital española da artesanía cun encontro no que, ata o 24 de agosto, participarán deseñadores de todo o mundo
– A Vicepresidenta Segunda inaugurará este xoves, 4 de agosto, a mostra “Modelos de Ulm 1953-1968” que acollerá a sala de exposicións da antiga fábrica de fundición de Sargadelos
Expertos en arte, deseño e innovación de España, así como especialistas mundiais na materia chegados de países como Korea ou Italia, danse cita dende hoxe e ata o 24 de agosto na factoría cervense de Sargadelos con motivo da celebración do Taller Internacional de Tendencias Cerámicas. A Deputación, a través do Centro de Artesanía e Deseño (CENTRAD), fai posible a celebración da edición número 40 destas xornadas co obxectivo de xerar riqueza na provincia cun encontro internacional que pon en valor a cerámica lucense.
Cervo convértese durante o mes de agosto na capital española da artesanía. No Concello mariñá aloxaranse centos de persoas que participarán nas actividades formativas organizadas, onde prestixiosos artistas combinarán a elaboración de pezas coa presentación dos seus traballos. Serán un intercambio de experiencias co fin de impulsar futuros proxectos que contribúan a potenciar economicamente o sector da artesanía e o deseño.
Uns 30 deseñadores con gran repercusión a nivel mundial asistirán ó Taller. Entre eles, atópanse os representantes das principais firmas do país, profesionais que forman parte da nova xeración do deseño español:
Luis Eslava –estudo adicado á fabricación de produtos con formas experimentais-; Martín Azúa –artista vasco que colabora como deseñador para diferentes empresas, compaxinando esta actividade co traballo de experimentación e investigación que xa foi amosado en exposicións de Barcelona, Milán, Londres, Berlín, París, Viena, Estados Unidos, Tokyo, ou Pequín; Nadadora –empresa de Valencia especializada na creación de produtos e na proxección de obras de interiorismo ó deseño gráfico-; Díez+Díez –estudo madrileño adicado ó deseño do produto-; Cenlitrospormetrocadrado –empresa de Santiago de Compostela que basea a súa liña de actuación no deseño e na comunicación dende unha orientación humanista, atendendo a funcións de carácter emocional e social-; La Granja -estudio recoñecido polo seu talento creativo e traxectoria multidisciplianar. Conta cun equipo especializado en interiorismo, deseño industrial e na creación de montaxes efímeras para exposicións-.
Conclusións do encontro
Os participantes desta cita avaliarán a situación do sector e plantexarán propostas conxuntas que permitan a súa posta en valor. Esta será a folla de ruta do Centro de Artesanía e Deseño xa que a entidade dependente da Deputación terá a súa plena disposición este texto. Así o recolle o convenio que asinaron o organismo provincial e Sargadelos, un acordo mediante o cal a institución achegou 15.000 euros para a celebración da 40 edición do Taller Internacional de Tendencias Cerámicas.
Así mesmo, no marco deste acordo e tendo en conta a relación que Sargadelos mantivo no pasado con Cuba, o CENTRAD fai posible que as xornadas conten con dúas prestixiosas deseñadoras do país latinoamericano, quenes amosarán ós asistentes do encontro o seu traballo e a súa experiencia profesional. Trátase de Mayelin Guevara e de Giselle Monzón. A primeira, adícase ó mundo da xoiería, empregando como base da mesma o círculo que, superpón, repite e interrelaciona tratando de lograr expresión de infinitude e dinamismo. Pola súa banda, Monzón encárgase de elaborar a imaxe visual das exposicións e eventos que se presentan no Centro de Desenvolvemento das Artes Visuais cubano.
Inicio de obradoiro
Este luns comezou ademais o principal obradoiro das xornadas: “Deseño Industrial, Arte e Gastronomía Contemporánea”. Trátase dunha novidosa iniciativa, que está dirixida por Marta Rois, e que consiste na análise da interacción entre o deseño e a gastronomía nas súas diversas vertentes, facendo fincapé nos obxectos especialmente concebidos para servir alimentos específicos: dende a taza de café ata a culler para tapas. O obxectivo é que os participantes aprendan a mirar doutra forma os alimentos e que afonden na concepción dos obxectos que optimicen a degustación tendo en conta as súas propiedades organolépticas e, por outra banda, as súas características físicas e estéticas.
Esta actividade terá unha duración de dúas semanas polo que rematará o vindeiro días 15 de agosto. Ata entón, o seu horario será de mañá, de 9:00 a 13:00 horas; os primeiros oito días terá lugar na fábrica mariñana, e os restantes na factoría que Sargadelos ten en Sada. Para elo, a entidade pon a disposición dos participantes as súas cociñas e o centro de documentación e a exposición permanente. Ademais, permitirá establecer novas vías de colaboración entre os expertos e Sargadelos, xa que unha vez finalizada esta etapa de toma de contacto, cada equipo, pola súa conta, desenvolverá o seu proxecto coa fábrica, que se considerará rematado cando as 6 pezas ou series se estén comercializando.
Inauguración da exposición
A Vicepresidenta Segunda da Deputación e promotora de dito convenio entre a institución provincial e a entidade ceramista, Lara Méndez, inaugurará este xoves, 4 de agosto, a prestixiosa exposición “Modelos de Ulm 1953-1968”. É un dos grandes atractivos deste Taller. Recolle os proxectos desta escola de deseño alemaña herdeira de Bauhaus, considerado o antecedente de Sargadelos. Permanecerá na sala de exposición da antiga fábrica de fundición da ceramista lucense logo de ser exposta no Museo Nacional de Artes Decorativas de Madrid. Mediante fotografías de gran formato, paneis de texto, pezas gráficas, bocetos de deseño, produtos ou vídeos, a mostra amosa a amplia variedade de enfoques teóricos desta disciplina alemana herdeira de Bauhaus.
Ulm foi un dos centros de deseño máis importantes do seu tipo. Adicouse á ensinanza, investigación e desenvolvemento no campo do deseño. A especial metodoloxía educativa contribuíu a definir o rol do deseñador industrial profesional e continúa influíndo na ensinanza do deseño a nivel mundial. A tecnoloxía e a industria foron enfocadas pola Escola como fenómenos culturais e as ciencias como a referencia central do deseño. Este innovador enfoque do deseño impactou no mundo dos obxectos do fogar e renovou a imaxe da República Federal de Alemaña co deseño dos Xogos Olímpicos de 1972.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
