Xunta, Deputación, goberno do Estado e concello de Ribadeo adican 156 mil euros a obras en diversos camiños

01 Agosto, 2011

Nota de prensa

ESTES DÍAS DAN COMEZO DIVERSAS OBRAS EN CAMIÑOS DE RIBADEO POR IMPORTE DE 156.000 EUROS. XUNTA, DEPUTACIÓN DE LUGO, ESTADO E CONCELLO ENCÁRGANSE DA SÚA EXECUCIÓN, SEGUNDO CONTOU FERNANDO SUÁREZ.

Ribadeo, 1 de agosto de 2011. Estes días dan comezo diversas obras en camiños de Ribadeo por importe de 156.000 euros, segundo contaba esta mañá o alcalde, Fernando Suárez.

O rexedor sinalou que “aproveitando a época estival, que é o mellor momento do ano para facer obras de amaño de camiños, de rebacheos ou de novos asfaltados, estamos estes días actuando con dous programas diferentes en Ribadeo de todas as administacións, porque cando traballamos en conxunto e de maneira coordenada os veciños e veciñas, en definitiva os administrados, reciben unha mellor atención e moito máis efectiva”.

Suárez Barcia refírese “a que vamos dar comezo ao Plan de Obras e Servicios anual, que asume a Deputación Provincial, o Ministerio e máis o Concello, por un importe duns 58.000 euros, polo cal se van amañar varios camiños nas parroquias de A Devesa,Ove e Covelas”. E engadiu que “tamén nestes días estamos iniciando unhas actuacións dentro das obras de emerxencia para a reparación dos danos causados polas choivas, daquelas tan grandes de xuño do ano pasado, e que está levando adiante a Xunta en Ove, en Vilaousende, nas Anzas, en Remourelle, en Couxela, en Arante e tamén en Covelas”.

O alcalde de Ribadeo manifestou que “polo tanto nestes días, sumada esta actuación de prácticamente 98.000 euros á outra, de 58.000, fanse estas obras que teñen unha certa importancia e rematarán en dous ou tres semanas. Pero non quedarán os camiños perfectamente, porque Ribadeo é un concello que ten moitísimos kilómetros de viais. Con isto vaise atenuar en parte o estado de moitos que están nunha situación extrema, pero xa estamos pensando en cómo actuar noutros que se están degradando”.

Fernando Suárez considera que “os concellos son como os barcos, que cando un acaba de pintar a proa xa esta a popa enferruxada. Polo tanto é unha labor continua, constante, pero, como é caso, debemos coordinar esforzos entre todas as administracións para que os veciños teñan un bó servicio”.