Os deputados Antonio Ameijide e José María Fernández mantiveron un encontro con familiares de usuarios do CAM de Trabada
Trabada, 10 de agosto de 2026. Os deputados do Grupo Provincial Popular amosan o seu rexietamento ao drástico incremento das tarifas dos Centros de Atención a Maiores da rede provincial que, nalgúns casos, pasarán a pagar 810€ máis cada mes.
Así o manifestaron os deputados Antonio Ameijide e José María Fernández durante unha xuntanza que mantiveron con familiares dalgúns usuarios do centro de atención a maiores de Trabada.
O voceiro provincial popular, Antonio Ameijide, recordou que PSOE e BNG aprobaron en pleno esta suba das tarifas que contou co voto en contra dos deputados populares.
Ameijide criticou que “mentres PSOE e BNG seguen a presumir de políticas sociais, aproban subas de tarifas superiores ao 50 e ao 60% en residencias como a de Trabada”.
“Moitos dos nosos maiores teñen pensións modestas e estas subas de ata 810€ dun mes ao seguinte obrigan ás súas familias a facer encaixes de bolillos ou poñen en risco que podían seguir asumindo ese custe”, denunciou.
Ameijide explicou que, segundo os datos das liquidacións ás que tivemos acceso, no CAM de Trabada “a asfixia económica sobre as familias faise evidente en cifras concretas”:
Incremento mensual: A recadación da residencia pasa de 46.897,19€ no mes de xuño a 56.981,34€ en xullo, o que supón unha suba mensual de 10.084,15€ que sairá directamente do peto dos maiores e das súas familias.
Incrementos desorbitados: Hai residentes dependentes aos que a mensualidade se lles incrementa de forma directa en 810€ cada mes, pasando de aboar 1.390€ a 2.200€.
Hai varios casos de usuarios autónomos, o prezo increméntase nun 62,04%, pasando de pagar 1.080€ a 1.750€ (+670 €/mes).
Dende o Grupo Popular critican duramente que a decisión adoptada por parte de socialistas e nacionalistas, que demostra “unha total falta de empatía e de sensibilidade social coas persoas maiores do medio rural e as súas familias”.
“É inaceptable que a Deputación de Lugo presuma de políticas sociais mentres aproba polas subas de tarifas superiores ao 50 e ao 60% en residencias como a de Trabada. Moitos dos nosos maiores teñen pensións modestas e estas subas obrigan ás súas familias a facer encaixes de bolillos para poder manter aos seus maiores nun centro público”, denunciou Ameijide.
Pola súa banda, José María Fernández explicou que “o malestar é profundo” entre as familias, xa que “este incremento é inasumible e desmedido, co agravante de que o alcalde mira cara outro lado e se nega a plantarlle cara ao goberno da Deputación”.
O voceiro popular en Trabada recorda que “no noso partido sempre mantivemos unha postura firme de rexeitamento a este incremento e seguimos a esixir que dean marcha atrás, que recapaciten, escoiten o clamor das familias e revisen de inmediato este modelo para garantir uns prezos públicos xustos, accesibles e acordes ás capacidades económicas dos residentes”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
