Ribadeo, 10 de agosto, 2026. A Asociación de Veciños Por Nuestro Faro leva máis dunha década denunciando as irregularidades vinculadas á concesión turística da Illa Pancha. Trece anos despois da posta en marcha por parte da Autoridade Portuaria do programa Faros de España —destinado a promover a privatización de faros con fins turísticos e, nalgúns casos, culturais— a situación continúa xerando preocupación social e inseguridade xurídica.
Once anos pasaron desde a aprobación do proxecto turístico da Illa Pancha, realizada sen concurso público, e nove desde que o Defensor del Pueblo confirmou que a concesión carecía do preceptivo Estudo de Impacto Ambiental, esixido pola normativa europea, española e galega.
Desde 2017, os apartamentos turísticos instalados na Illa Pancha veñen funcionando sen cumprir estas obrigas legais básicas, situación á que posteriormente se sumou a apertura da cafetería.
A festa do eclipse e a contradición institucional
Co gallo do eclipse solar previsto para o próximo 12 de agosto, anúnciase na Illa Pancha unha festa privada que inclúe música en directo, barra libre e gafas especiais para observar o fenómeno astronómico, todo a un prezo cualificado como “módico”.
Paralelamente, o Concello de Ribadeo fai pública a prohibición de observar o eclipse desde varios espazos, entre eles a Illa Pancha, alegando motivos de seguridade e conservación. No anuncio municipal indícase:
Zonas prohibidas para a observación da eclipse
Por motivos de seguridade e para garantir a conservación dos espazos públicos, durante a observación do eclipse estableceranse zonas de exclusión nos seguintes puntos:
• Pasarela de madeira entre As Catedrais e Barreiros
• Areal da Praia das Catedrais
• Illa Pancha
• Infraestrutura de madeira do Cargadoiro
AAVV Por Nuestro Faro: actuacións inmediatas
Ante esta evidente contradición —prohibición municipal fronte á celebración dun evento privado no mesmo espazo— a AAVV Por Nuestro Faro:
Solicitará ao Concello de Ribadeo información detallada sobre os criterios de seguridade aplicados á Illa Pancha e sobre como se compatibiliza a prohibición pública coa autorización dunha festa privada con barra libre e observación do eclipse.
Dirixirase á Autoridade Portuaria para pedir un esclarecemento sobre se este tipo de eventos encaixa nas condicións da concesión e se non constitúe un motivo adicional para esixir, unha vez máis, o Estudo de Impacto Ambiental, cuxa ausencia foi reiteradamente sinalada polo Defensor del Pueblo.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
