Nota de prensa f
A ÁREA DE TURISMO PULARÁ PARA ATRAER MÁIS DE 10.000 VISITANTES A LUGO
DESESTACIONALIZANDO O TURISMO
Mario Outeiro afirmou que se porá en marcha “unha campaña de desestacionalización do turismo lucense entre xaneiro e marzo para atraer máis de 10.000 visitantes”
Levaranse a cabo outras medidas como mellora da web, control, incidencia e promoción nas Redes Sociais de incidencia no turismo (Booking.com, tripadvisor, minube, google places, picasa, youtube ou flickr) e tamén axudas en concorrencia competitiva para mellora de destinos turísticos
Mario Outeiro afirmou que “é obxectivo manter en 2012 a contía económica destinada a apoiar o sector turístico lucense”
LUGO, 28 de setembro de 2011. O delegado de Cultura da Deputación de Lugo, o nacionalista Mario Outeiro, afirmou esta mañá que se vai poñer en marcha “unha campaña de desestacionalización do turismo lucense entre xaneiro e marzo para atraer máis de 10.000 visitantes á nosa provincia”. Estas declaracións efectuounas o responsábel de Turismo da Deputación no transcurso dunha xuntanza cos principais axentes turísticos da provincia de Lugo, na que tamén participou o vicepresidente da Deputación, o tamén nacionalista Antonio Veiga. A xuntanza tivo unha dobre finalidade: dunha banda escoitar as propostas e suxestións que os axentes turísticos lucenses formulan de cara a mellorar os datos de ocupación hoteleira e volume de negocio do sector turístico no conxunto da provincia, así como explicar as principais liñas de actuación que desde a Área de Cultura e Turismo da Deputación.
Segundo afirmou Mario Outeiro “somos conscientes da baixada na ocupación hostaleira e do gasto turístico na provincia sobre todo en determinados momentos do ano. Dende a Área de Turismo da Deputación propoñemos realizar unha campaña de desestacionalización na ocupación turística (de xaneiro a marzo) en colaboración coas asociacións de hostaleiros implicados, para traer a Lugo máis de 10.000 visitantes nestas datas. As asociacións implicaríanse na busca de establecementos turísticos interesados en participar no proxecto reducindo os custes de estadía dos potenciais turistas. Por outra banda, a Área de Turismo, mediante convenio, comprométese a achegar unha pequena partida económica para complementar aos estabelecementos esa baixada de prezos e a promocionar, e achegar a oferta turística complementaria onde for mester, os paquetes turísticos a través da nova páxina web e de campañas de promoción específicas”.
O delegado de Cultura e Turismo da Deputación de Lugo explicou unha serie de medidas que o departamento de Turismo da Deputación vai a aplicar en 2012 de cara a lograr unha dinamización turística da provincia poñendo en valor o conxunto de recursos que desde o punto etnográfico, cultural, paisaxístico, natural, etc., esta posúe: en primeiro lugar, implicaría unha mellora da páxina web coa finalidade de levar a cabo unha introdución paulatina dos Sistemas de Información Xeográfica, unha priorización de imaxes, vídeos e produto turístico xerado polo sector, introducir un directorio empresarial das iniciativas relacionadas co turismo en Lugo, e mellorar no control, incidencia e promoción nas Redes Sociais de incidencia no turismo (Booking.com, Tripadvisor, Minube, Google places, picasa, youtube ou flickr, etc.).
Ademais, o delegado de Cultura e Turismo da Deputación de Lugo anunciou que se estabelecerá unha liña de axudas en concorrencia competitiva para a mellora e posta en valor de destinos turísticos. “Con esta modalidade de axudas, os obxectivos que se perseguen serían a restauración e conservación do patrimonio etnográfico seguindo o exemplo de posta en valor deste tipo de patrimonio en Asturias ou Cantabria”.
Mario Outeiro tamén quixo explicar aos axentes turísticos que a Deputación de Lugo considera o turismo como un dos motores económicos da provincia e, malia non ter competencias directas en materia turística (tenas a Secretaría Xeral de Turismo da Xunta de Galiza), creou hai catro anos a Área de Turismo dentro do seu organigrama. Neste sentido, Mario Outeiro afirmou que “pese ao descenso previsto no orzamento xeral da Deputación de Lugo en 2012, é obxectivo da Área de Cultura e Turismo manter, e na medida do posíbel aumentar, a contía económica destinada a turismo para apoiar un sector económico de moito peso para Lugo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
