Nota de prensa
O BNG APOIA A MANIFESTACIÓN DESTE SÁBADO CONTRA OS RECORTES NA SANIDADE LEVADA A CABO POLA XUNTA EN FOZ
Foz, 28 de setembro de 2011.- O BNG de Foz emitiu hoxe unha nota onde manifesta o seu apoio á mobilización convocada pola Comisión Focega en defensa da sanidade pública para este sábado, día 1 de outubro así como a crítica ao PP por non votar no Parlamento a favor da proposición do BNG de manter a ambulancia do 061 de Foz.
Para o portavoz municipal, Xan Carlos González Basanta “esta é unha manifestación necesaria diante dos continuos ataques que por parte do PP na Xunta se están a producir contra a sanidade pública no noso Concello. En pouco tempo os focegos vimos como nos sacaron o servizo da ambulancia asistencial do 061 polas noites e como nos van a deixar sen o médico que atendía as urxencias no Centro de Saúde ata as dez da noite”.
Para o BNG é impresentable que estas medidas se tomaran da noite para a mañán, sen consenso nin a máis mínima consideración por uns servizos que cubrían a falta dun verdadeiro servizo de urxencias que o propio PP lle negara a Foz cando a implantación do mapa sanitario galego. Isto, como o BNG xa advertira, está traendo xa consecuencias moi graves na atención de urxencias. Así, os tempos de intervención do servizo de 061 xa se duplicaron e triplicaron desde que falta este servizo ao ter que acudir unha ambulancia de fóra da localidade para atender os casos que xorden.
Tamén denunciamos a actitude sumisa do goberno local do PP que en vez de defender o mantemento dos servizos no Concello avoga aplaudir a decisión da Xunta de sacárnolos. “Mentres noutros concellos no mesmo caso que Foz como Barreiros ou o Valadouro o PP manifestou a súa oposición aquí o alcalde e o grupo de goberno achanta co que ordena a Xunta”, dixo Basanta.
O BNG chama a todos e todas os veciños a acudir á manifestación convocada para este sábado en defensa do mantemento dos servizos sanitarios no noso concello e da sanidade pública, a única que garante a igualdade e a calidade na atención sanitaria.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
