Nota de prensa
No último pleno celebrado no Concello de Burela, o pasado xoves, o goberno municipal, en boca do Sr. Alcalde deu ao fin unha “explicación” de por que decidiron non apostar polo Seminario de Jazz e Música Moderna que dende hai catro anos viña organizando e financiando a Delegación de Educación do Concello de Burela. Segundo González Barcia, este goberno vai empregar o diñeiro que nos orzamentos 2011 estaba asignado á realización deste seminario en “ampliar a oferta educativa da Escola de Música” e “extendela a un maior número de alumnos/as”. Esto significa que para o Sr. Alcalde o Seminario de Jazz non significaba ampliar a oferta educativa da Escola. Con respecto a isto, dende o Grupo Municipal do PSdeG-PSOE temos algunhas cousas que aclararlle e recordarlle a este goberno.
O primeiro que queremos dicirlles é que están moi pouco lexitimados para falar deste Seminario posto que non saben nin o que significa, xa que en ningunha das catro edicións que se celebraron do mesmo fomos capaces de ver a ningún concelleiro nin persoa algunha vinculada co goberno ou co partido do goberno burelés. Xa sabemos que ao Alcalde a música que máis lle gusta é o rock, mais permitímonos a licenza de aconsellarlle que debe ter en conta as demáis sensibilidades que existen no pobo e na Escola de Música. En relación con isto hai que recordarlle que na terceira edición do Seminario a matrícula foi de 60 persoas, das que máis de 40 estaban matriculadas na Escola. Tendo en conta que a Escola contaba cunha matrícula de 100 alumnos/as, non sabemos que quere dicir o Sr. Barcia con iso de que vai ampliar a oferta educativa a un maior número de alumnos…
Para rematar queremos recordarlle ao goberno municipal e, especialmente á Concelleira de Educación, Mónica Pedre algo que eles non saben, porque non viron xamáis de que se trata un Seminario que xa convertiu a Burela nun referente galego no que se refire ao estudo deste tipo de música. Este seminario significa ampliar a oferta educativa a unha morea de alumnos/as que terían que ir, como mínimo a Compostela para adquirir este tipo de coñecementos e isto, deixando a un lado o ambiente do que xa son partícipes tras catro anos de Seminario e deixando tamén a un lado os concertos nocturnos. Estes concertos significan que o Concello ofertaba unha programación cultural durante toda unha semana atractiva para un grande número de persoas, aínda que para
saber isto, os concelleiros terán que ir a algún concerto….En conclusión, afirmamos que o seminario non era tan caro como o Sr. Alcalde se empeña en facernos ver, posto que o prezo inclúe clases e programación cultural. Din que van destinar o diñeiro que custaba a contratar un profesor de oboe. Nós temos que dicirlle que a demanda deste instrumento debeu nacer este ano, posto que en anos anteriores a nós pedíansenos profesores de frauta e especialmente de guitarra, xa que son moitos os alumnos que saen do noso Concello para aprender a tocar este instrumento. Levábamos dous anos ofertando a matrícula gratuíta para os alumnos de oboe sen que se matriculase ninguén, mais supoñemos que este ano, de repente, haberá unha morea de alumnos que desexen estudar oboe.
De calquera xeito, o que está claro é que o jazz está a gozar dun bo momento no noso Concello e proba diso é o premio que recentemente gañou o grupo burelés Marosa Jazz Project, ao que aproveitamos para felicitar sinceiramente ao tempo que os animamos a seguir traballando como facían ata o de agora. Tamén queremos felicitar e animar a todos os pais e nais que este ano decidiron organizar o Seminario de Jazz, evitando así que desaparecera co seu tesón. Eles foron capaces de conseguir finaciamento (da Deputación de Lugo) e de organizar un seminario que non perdeu en calidade, máis ben ao contrario. Parabéns, e ánimo para a organización do V Seminario de Jazz, que xa sabemos que non contarán co apoio deste goberno municipal, ao que só lle importa a música clásica.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
