Nota de prensa:
XUNTA E CONCELLO ANUNCIAN POR CUARTA VEZ A AMPLIACIÓN DO PAVILLÓN DE GALDÍN, OS SOCIALISTAS ESPERAN QUE SEXA POR FIN REALIDADE
-Dende o GMS queren confiar en “que esta noticia non se converta nunha promesa electoralista do Partido Popular, que teña como fondo as vindeiras eleccións do mes de novembro”
-Levan prometendo as obras dende 2009, “isto xa parece unha tomadura de pelo”. Os populares demostraron “a falta de interese que teñen polas familias e os nenos de Cervo”
CERVO, 21 DE OUTUBRO. Os membros do Grupo Municipal Socialista esperan que o último anuncio da Xunta de Galicia sobre a ampliación do polideportivo do CEIP Nº1 de Cervo sexa por fin unha realidade, “levamos catro anuncios en dous anos e os nenos e nenas de Cervo seguen esperando polo pavillón prometido. Tanto o alcalde, Alfonso Villares, como a delegada provincial da Xunta de Galicia, Raquel Arias, aseguraron que as obras estarán rematadas nos primeiros meses do vindeiro ano 2012. Despois de tres cursos académicos sen as instalacións adecuadas, agardamos que os alumnos poidan disfrutar do pavillón antes de rematar este ano”.
Dende que deciden unificar os dous colexios de Cervo no CEIP Nº1, “era necesario adaptar e dotar a este último cos servizos necesarios en relación ó número de alumnos que ía acoller. Queremos confiar en que esta boa noticia non se converta nunha promesa electoralista do Partido Popular, que teña como fondo as vindeiras eleccións do mes de novembro”.
Os populares levan anunciando a obra de ampliación do polideportivo de Galdín dende o mes de setembro do ano 2009. Dende o GMS lembran que “primeiro, foi o alcalde quen comunicou o seu compromiso e máis tarde, en xuño do ano pasado, o Conselleiro de Educación anticipaba que os nenos iniciarían o curso 2010-2011 co novo pavillón rematado. O terceiro intento de mentir ós veciños de Cervo, foi protagonizado pola delegada provincial da Xunta, Raquel Arias, no mes de xuño deste mesmo ano e agora volven anunciar a licitación das obras. Xa son catro anuncios en dous anos, pero as obras aínda non comezaron”. Neste senso, subliñan que “isto xa parece unha tomadura de pelo a tódolos veciños”.
Os socialistas aseguran que a día de hoxe “o centro non dispón dun pavillón axeitado para albergar a toda a comunidade educativa. Son moitos máis os nenos que cursan estudos no centro, pero seguen utilizando as mesmas instalacións. Tanto o señor Villares como a Xunta de Galicia demostraron nestes últimos anos cales son as súas prioridades e a falta de interese que teñen polas familias e os nenos e nenas de Cervo”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
