Nota de prensa:
O candidato do PSOE tan só se interesa pola Mariña lucense cando hai que pedir o voto pero non mentres que foi con el como ministro unha das comarcas máis prexudicadas polos recortes de Fomento
Balseiro lémbralle a Blanco que tras case oito anos de gobernos socialistas nin remataron a autovía do Cantábrico nin comezaron as obras do corredor da costa
Escoitar aos socialistas falar de postos de traballo é case insultante: fai catro anos prometían o pleno emprego e rematan con cinco millóns de parados.
Salientan que fronte á promesa de Rajoy de blindar as pensións o PSOE ten a dubidosa honra de ser o primeiro partido que as conxela e as recorta.
Blanco está “inhabilitado como candidato polos seus problemas xudiciais” e así o demostrarán os lucenses co seu voto.
A Mariña lucense, 5 de novembro de 2011.- O secretario xeral do Partido Popular na provincia de Lugo, Jose Manuel Balseiro, asegurou que o candidato socialista Jose Blanco tan só se interesa pola Mariña lucense “en período electoral e para pedir o voto”, pero non o fixo así durante o conxunto da pasada lexislatura xa que esta foi “unha das comarcas máis prexudicadas polos recortes e impagos do Ministerio de Fomento” que el dirixía.
Neste senstido Balseiro lembroulle a Blanco que tras case oito anos de gobernos socialistas nin foron quen de rematar a autovía do Cantábrico -permanentemente bloqueada no treito entre Lourenzá e Mondoñedo- nin deron comezado as obras do corredor da costa que se atopa na mesma situación administrativa que cando o PSOE accedeu en 2004 ao Goberno central. “Ambas actuacións adoecen de significativas parálises e atrasos inxustificados” -dixo Balseiro.
EMPREGO
O secretario xeral do PP lucense tamén lamentou que na súa visita á localidade de Ribadeo -ante un escaso aforo de simpatizantes- Jose Blanco decidira dar leccións sobre como se crean postos de traballo. Contrapuxo ademais as promesas socialistas todas incumpridas coas propostas de futuro que os mozos do PP e candidatos populares fixeron nun acto interautonómico sobre emprego organizado polas Novas Xeracións.
“Escoitar a un socialistas falar de emprego é case insultante -expuxo Balseiro- tendo en conta que son eles os responsables de que hoxe en España haxa preto de cinco millóns de parados. De feito os que fai catro anos prometían en campaña electoral pleno emprego, hoxe deixan o goberno coa maior taxa de paro da nosa historia”
A DUBIDOSA HONRA DE RECOTAR AS PENSIÓNS
No ámbito das pensións o secretario xeral dos populares lucenses reclamou a Blanco e ao resto dos candidatos socialistas que “pidan perdón” por ter a dubidosa honra de ser os primeiros na historia deste país que non só non incrementan as pensións -conxelándoas- senón que incluso as baixaron recortando o poder adquisitivo das persoas maiores e pensionistas”.
INHABILITADO COMO CANDIDATO
Jose Manuel Balseiro dixo que a única declaración que os lucenses esperan escoitar de Jose Blanco é a da súa dimisión, como consecuencia dos procesos xudiciais nos que está inmerso. “Este señor, está inhabilitado como candidato, e así o demostrarán os lucenses a través do seu voto” e reclamou como alternativa a do PP, que traballará para que Galicia volva ser unha das prioridades do Goberno central que presida Mariano Rajoy.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
