Burela, 7 de marzo, 2026 O derbi galego en Vista Alegre comezou cun ritmo alto e ocasións rápidas. Judith dispuxo da primeira chegada perigosa cun disparo que saíu rozando o pau tras un pase errado de Sandra. Pouco despois, Ana Eliza tivo que intervir por dúas veces ante dous remates consecutivos da propia Judith Pedreira, o primeiro deles tras un saque de esquina. No mesmo minuto, Ayensa estrelou o balón no pau e a porteira brasileira volveu aparecer para deter co pé un disparo de Carla.
O Burela tardou en chegar con claridade á área rival, e non foi ata o final do minuto cando Cris Blanco probou fortuna cun tiro que Ana Romero detivo sen problemas. No 4, Ana Eliza volveu despexar con ambas mans ante a presión intensa dun Ourense moi activo nos primeiros compases.
No minuto 5, Marta enviou outro balón ao pau tras un rexeite dun disparo afastado de Ana Rivera. O Burela tentou responder cun saque longo de Ana Eliza que Sandra culminou cun centro ao que Lara non chegou por pouco. A partir de aí, o conxunto laranxa conseguiu manter máis tempo a posesión, aínda que sen ocasións claras, pero cunha defensa sólida.
No 11, Ana Eliza volveu aparecer para deter un disparo raso de Raquelilla. A pesar dun inicio frouxo, o Burela foi gañando intensidade e os últimos dez minutos da primeira parte foron para as de Belén Feal, xerando perigo e chegando con máis decisión. Nos instantes finais, Irene recibiu un forte golpe na cabeza que obrigou á entrada dos servizos médicos, aínda que puido recuperarse e saíu no quinteto inicial da segunda metade.
Segunda parte
O Ourense comezou mandando tras o descanso cun disparo de Alice no 22 que obrigou a Ana Eliza a despexar a córner. No 23 chegou o 0-1: Melli rematou dentro da área un pase de Chicky nunha transición rápida iniciada por un saque longo de Ana Romero.
No 25, o Burela apostou por Lara como porteira-xogadora para buscar o empate, pero no 27 chegou o segundo das visitantes: Raquelilla fusilou a portería cun disparo escorado que puxo o 0-2.
Silvia probou sorte no 29 cun tiro case sen ángulo, pero non atopou portería. No 30, Sandra asumiu o rol de porteira-xogadora, e no 35 chegou o 0-3 definitivo: Judith sorprendeu a Ana Eliza cun disparo raso e afastado que entrou pegado ao pau.
Irene estivo a piques de recortar distancias cun saque directo que Ana Romero detivo coas mans. No último minuto, Laura Barranco saíu coa elástica negra nun último intento de marcar, pero o derradeiro disparo, obra de Cris Blanco, volveu atoparse coa gardameta ourensá.
Ficha Técnica Reyco Burela FS 0-3 Ourense Ontime FSF
Reyco Burela FS (0): Ana Eliza; Cris Blanco, Sandra, Lara, Irene -quinteto inicial-, Laura Barranco, Macarena, Silvia Rubal (C), Gabi.
Ourense Ontime (3): Ana Romero; Chicky, Judith, Carla Ayensa, Melli –quinteto inicial-, Riscos, Marta (C), Anita, Ana Rivera, Raquelilla, Alice.
Goles: 0-1, min. 23: Melli. 0-2, min. 27: Raquelilla. 0-3, min.35: Judith.
Árbitros: Gael García // Jonathan Manjón // Amal Alahyene. Por parte do Reyco Burela viron tarxeta amarela Laura Barranco (16’) e Macarena (26’). Por parte do Ourense Ontime, Raquelilla (37’).
Incidencias: Partido correspondente á xornada 21 de 1ª División Iberdrola FS desputado no pavillón municipal Vista Alegre de Burela.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
