Os populares inciden en que “o goberno local gasta o diñeiro de todos, pero non dá solucións aos problemas e necesidades dos veciños” poñendo como exemplo “o despilfarro de 1,4M€ na rúa da Pravia que non é útil aos vilalbeses” porque “supuxo a redución da zona de aparcamento, o mesmo que a alcaldesa anunciou para o Campo da Feira”
Vilalba, 15 de marzo de 2026. O PP de Vilalba lamenta que “á alcaldesa lle interese máis falar de cartos que das lesións que sofren as persoas na rúa da Pravia. Non sabemos se é que non o ve ou non o quere ver, pero é indignante que para a máxima dirixente no noso Concello o prioritario non sexan as persoas”.
Para os populares “o primeiro son as persoas e despois tamén as súas necesidades ou queixas. E o que está claro é que a rúa da Pravia xera moitas queixas entre vilalbeses e visitantes. Por moito que nos queiran adornar este tema, a realidade é a que é: un espazo renovado no que se investiron moitos cartos públicos, pero que non é útil para os veciños e veciñas e acumula deficiencias”, explican. Así, insisten: “é un capricho socialista que nos sae caros aos vilalbeses”.
“Marta Rouco gasta o diñeiro de todos, pero non dá solución aos problemas e necesidades dos veciños”, aseguran dende o PP de Vilalba. De feito, ademais dos danos ás persoas e vehículos, as obras da rúa da Pravia reduciron aparcamento e “agora a alcaldesa anunciou tamén a redución da zona de aparcamento no Campo da Feira. Gasta o diñeiro, pero non ofrece solucións aos veciños. Iso non é o que nós consideramos boa xestión”, remarcan.
E á vista de que “a alcaldesa conta só o que lle interesa”, os populares acláranlle que “máis alá do custo da propia obra de humanización da rúa da Pravia, hai que ter en conta os gastos que supón a instalación dos novos sistemas de iluminación, as cámaras de seguridade, os estudos e traballos necesarios para os distintos cambios de sentido desta rúa, a sinalización e os elementos de xardinería -macetas e flores-. Todo suma 1,4M€ de gastos derivados da súa decisión de executar obras nesta rúa. Un despilfarro”.
NON PRESTA ALGÚNS SERVIZOS
Os concelleiros do PP engaden tamén que “o goberno local deixa de prestar algúns servizos aos veciños e veciñas pechando distintas instalacións públicas -a oficina de turismo, o Museo ou a biblioteca que estivo pechada parcialmente-, sen reparar os danos nas vías de comunicación das parroquias ou pola falta de servizos básicos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
