Foz, 12 de marzo de 2026. A portavoz do goberno local de Foz, Inés López Couto, pídelle ao voceiro municipal do PP que “deixe de difamar ao seu pobo todos os días para ter un oco na prensa”.
“O señor Castiñeira está moi desocupado mandando notas de prensa da mala imaxe que deixou nos edificios do seu pobo, pero botándolle a culpa aos demais”, manifesta a tenente de alcalde e voceira do grupo municipal do PSdG de Foz , que engade: “senón que nos diga o que gastaba en mantemento dalgún dos edificios do Concello, como por exemplo o Bahía, que quedou sen ningunha clase de equipamento na sala”.
Inés López Couto afirma que “é unha vergoña que non recorde como quedou o CENIMA na súa etapa. Un edificio do que recibiu as chaves e que recepcionou sen o recebado das súas paredes laterais. Estas paredes estaban en ladrillo cando chegamos ao goberno e tivemos que arranxalas porque filtraban a auga. Quizais que a fachada estea así teña que ver con iso”, explica a concelleira, que tamén di: “levamos tempo preocupándonos dos edificios, pedindo orzamentos e buscando financiamento para reparar os problemas que teñen, pero todo xunto non pode ser, os recursos son finitos. Agora mesmo vaise firmar o contrato para arranxar a cuberta do Concello, estase concretando financiamento para pintalo e reparar a praza e a fachada. E non perdemos de vista a Casa da Cultura e o Cenima, no que se van substituír as vidrieiras da entrada e os marcos, que están en moi mal estado por culpa do salitre. Nos si nos preocupamos, non miramos cara a outro lado, como facía el”.
López Couto tamén comenta que o voceiro do PP “só se acorda do pobo para a imaxe turística, parece que se lle olvida que hai máis de dez mil habitantes que viven todos os días nel e non necesitan só que se lles lave a cara os edificios senón rúas asfaltadas, equipamentos e servizos que funcionen ben. Non damos escusas cos orzamentos, traballamos co que temos. De non ter orzamentos só pode darnos leccións, que sabe máis ca nós”.
“En lugar de mandar notas de prensa para dicir o mal que lle parece que está todo, pode acompañarnos á Xunta para solicitar un convenio coa Axencia de Turismo de Galicia, como fai o seu compañeiro de partido, o alcalde de Ribadeo, e poder executar coa axuda de todos o arranxo do edificio, xa que tamén hai que ter en conta que parte da propiedade e de Costas e do Club Naútico, que non é so do Concello. Pedímoslle que aporte algo en positivo, que vive metido na dinámica do non polo non e de intentar enlodar todo canto toca”, finaliza a portavoz do goberno municipal de Foz.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
