Nota de prensa
A XUNTA DE PORTAVOCES ANALIZOU A INCIDENCIA QUE TERÁ SOBRE BURELA O CORREDOR BARREIROS-SAN CIBRAO TRAS CONOCERSE A SÚA DECLARACIÓN DE IMPACTO AMBIENTAL. O ALCALDE CONSIDERA QUE SE DEBE LEVANTAR A AFECTACIÓN DA ACTUAL VARIANTE E DEMANDA UN ENLACE NESE NOVO VIAL Á ALTURA DA PUIDA PARA FACILITAR O ACCESO AO FUTURO PARQUE EMPRESARIAL DESA ZONA.
Burela, 21 de decembro de 2011. O alcalde de Burela reuniuse no día de hoxe cos tres portavoces municipais, Grupo Popular, Grupo Socialista e Grupo Mixto, para explicarlles o alcance da resolución do Goberno Central sobre o trazado definitivo do corredor Barreiros-San Cibrao.
González Barcia convocounos logo de coñecer a resolución do Ministerio de Medio Ambiente, Medio Rural y Marino do Goberno Central publicada no Boletín Oficial do Estado o pasado martes día 13 de decembro, acerca da Declaración de Impacto Ambiental (DIA) do indicado corredor. O rexedor dixo que “nesa DIA, elíxese como trazado definitivo xustamente aquel que recibiu alegacións en 2009 por parte do Concello de Burela, é dicir, o que pasa pegado á actual variante e na zona do hospital sube cara A Puída”.
Barcia explicou que “desde hai meses despois de ver o informe emitido polo Ministerio de Fomento en outubro do ano pasado xa adoptamos a postura de traballar cunha única hipótese. Esa foi que o trazado definitivo que ía elixir Fomento era o que foi. O que estamos a facer é definir o que queremos que sexa Burela tendo en conta a afectación que ese corredor vai ter e en previsión de que se levante a afectación que actualmente ten a variante. O que non sería lóxico é que houbese afectación do propio corredor e ao mesmo tempo afectación da variante actual”. O equipo de goberno de Burela considera que “si temos que debuxar o novo corredor Barreiros-San Ciprián deberíase levantar a afectación que ten a variante. Nós tivemos xa conversas coa Demarcación Territorial de Estradas na Coruña e coa Xefatura Provincial de Estradas en Lugo e entendemos que as cousas van razoablemente ben, a falta do informe dos técnicos”.
Na xunta de portavoces, celebrada este mediodía, “tamén se lles indicou aos voceiros das distintas formacións que imos estudar a viabilidade de definir un enlace da nova estrada á altura da Puída, para facilitar o acceso ao futuro parque empresarial desa zona, tal e como nós contemplamos no noso plano xeral”.
O alcalde e os tres portavoces coincidiron en que as implicacións da nova estrada sobre o PXOM son elevadas, e que agora só cabe traballar para que o plano xeral respecte ó máximo posible as potencialidades de Burela aínda tendo en conta a incidencia do novo vial. Nese sentido, González Barcia anunciou unha reunión co equipo redactor do PXOM para o día 29 do presente mes, “co obxectivo de avanzar na súa elaboración, agora que se coñece definitivamente cal será o trazado do corredor Barreiros-San Cibrao”. Barcia indicoulles aos grupos políticos que os volverá a convocar para darlles traslado do documento cando este estea a punto de pecharse, a efectos de plantexar suxerencias ao respecto.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
