Nota de prensa
O presidente de Augas de Galicia, Francisco Menéndez, e a delegada territorial, Raquel Arias, anuncian que o Diario Oficial de Galicia publicará mañá esta licitación
MEDIO AMBIENTE LICITA AS OBRAS DE CONSTRUCIÓN DO EMISARIO SUBMARIÑO DE SAN CIBRAO, EN CERVO, POR 1,8 MILLÓNS DE EUROS
Coa posta en servizo desta infraestrutura remátanse as obras necesarias para o correcto funcionamento do novo sistema de saneamento coa mínima afección medioambiental posible
O emisario proxectado parte da EDAR de San Cibrao e estará constituído por un primeiro treito terrestre en gabia e outro submarino executado mediante perforación dirixida e seguido dos correspondentes difusores
Contará cunha lonxitude submarina de 686 metros, e descargará a auga depurada a unha profundidade de 18,70 metros
Cervo (Lugo), 13 de decembro de 2011.- A Consellería de Medio Ambiente, Territorio e Infraestruturas publica mañá no Diario Oficial de Galicia (DOG) a licitación das obras do emisario submarino do núcleo de San Cibrao, no Concello de Cervo. Así o manifestaron hoxe o presidente de Augas de Galicia, Francisco Menéndez, e a delegada territorial da Xunta en Lugo, Raquel Arias, na visita realizada hoxe ao concello de Cervo, na que estiveron acompañados polo alcalde do citado municipio, Alfonso Villares.
A Xunta de Galicia, a través de Augas de Galicia, realiza unha achega económica de 1,8 millóns de euros para a execución deste proxecto hidráulico. Trátase da construción do emisario submarino da estación depuradora de augas residuais (EDAR) do núcleo de San Cibrao, no concello de Cervo.
O emisario proxectado parte da EDAR de San Cibrao, e estará constituído por un primeiro treito terrestre en gabia e dous treitos submarinos: un treito principal e o treito de difusor final. O treito terrestre contará cunha lonxitude de 28 metros en tubo de diámetro 315 mm, e o treito principal, submarino, será executado mediante perforación dirixida, en tubo de 315 mm de diámetro e cunha lonxitude de 686 metros, ata acadar a rasante do tubo unha profundidade de 18,70 metros. O treito final de difusores será executado en gabia dragada no leito mariño.
O presidente de Augas de Galicia explicou que neste ano 2011 o Ministerio de Medio Ambiente rematou as obras de mellora da rede de saneamento do núcleo de San Cibrao, que inclúen un tanque de retención no parque Raíña Sofía e unha EDAR para 8.000 habitantes equivalentes no polígono industrial de Cuíña. Non obstante, as obras non puideron poñerse en servizo, xa que a nova EDAR carecía de emisario e punto de vertido a pesar do compromiso adquirido no seu momento pola administración do Estado en canto á súa execución. Dada a evidente urxencia da actuación, a Xunta de Galicia asumiu a súa execución na última xuntanza da Comisión de seguimento do Plan Nacional de Calidade das Augas.
A Administración Hidráulica de Galicia comprometeuse a rematar as obras necesarias que permitan o correcto funcionamento do novo sistema de saneamento coa mínima afección medioambiental posible. Así, tal e como se citou anteriormente, a Xunta da o paso definitivo para solucionar unha carencia histórica como a da depuración das augas residuais do núcleo de San Cibrao.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
