Nota de prensa 1/2
NTONIO VEIGA PRESENTOU AS ACTIVIDADES QUE A TRADESCOLA DESENVOLVERÁ EN VIVEIRO
A actividade consistirá nun concerto didáctico para máis de 700 escolares no teatro Pastor Díaz de Viveiro que terá lugar o vindeiro xoves 15 de decembro
Antonio Veiga, destacou o “importantísimo traballo de formación e difusión da música tradicional galega que a Tradescola está a desenvolver desde a súa posta en marcha”
LUGO, 13 de decembro de 2011. O vicepresidente da Deputación de Lugo, o nacionalista Antonio Veiga, xunto a Olaia Casas, concelleira de Cultura, Ensino e Turismo de Viveiro, e Mónica Fernández, coordinadora da Tradescola, presentaron esta mañá na Sala de Xuntas da Deputación de Lugo as actividades didácticas que a escola de música tradicional, Tradescola, levará a cabo o vindeiro xoves 15 de decembro en Viveiro.
Estas xornadas que se organizan agora en Viveiro, e que xa se fixeron en anteriores ocasións noutras comarcas lucenses, teñen como fundamento espallar por todo o territorio das comarcas lucenses o traballo de dinamización da música tradicional máis aló da sede da Tradescola, en Lugo. O vicepresidente da Deputación de Lugo, Antonio Veiga, destacou o “importantísimo traballo de formación e difusión da música tradicional galega que a Tradescola está a desenvolver desde a súa posta en marcha” e ratificou a filosofía de traballo da Vicepresidencia Primeira e da súa Área de Cultura e Turismo da Deputación, “desenvolvendo proxectos coma este que ofrecen á sociedade, incluíndo desde os nenos e nenas en idade escolar até o público adulto, a posibilidade de achegarse ao estudo da nosa tradición e cultura, que non é outra cousa que a identidade que nos une como galegos e galegas”.
Mónica Fernández, coordinadora da Tradescola, explicou pola súa banda que “nesta actividade, que se desenvolverá o vindeiro xoves, preto de 700 alumnos de infantil e primaria dos centros CEP Lois Tobío, EEI San Roque e CPR Landro achegaranse ao Teatro Pastor Díaz de Viveiro para aprender e desfrutar cun concerto didáctico impartido polos mestres Bruno Villamor, Andres Penabad e Xose Lois Romero, e no que se lles amosará a evolución dos instrumentos e formacións musicais que protagonizaron a historia da música galega nos últimos séculos e os distintos ritmos, instrumentos e melodías máis características da música tradicional e popular galega. O alumnado será divido por idades e realizaranse tres pases do concerto didáctico por razóns de espazo, xa que así o esixe o alto número de nenos e nenas participantes (700 aprox.), o máis alto de todas as actividades desenvolvidas até agora pola Tradescola.
A través de estas actividades, que se iniciaron coa posta en marcha da Tradescola no ano 2008, fíxose posíbel que máis de 1500 escolares de concellos como Ribadeo, Monforte, Vilalba, Sarria, Chantada, Mondoñedo, Lugo, ou A Fonsagrada, entre outros, se achegaran a música tradicional e coñeceran de primeira man os sons dos nosos instrumentos, os distintos ritmos, formacións e as distintas melodías existentes na nosa cultura tradicional. Estas accións formativas continuarán realizándose en periodos trimestrais para conseguir chegar aos numerosos centros e asociacións demandantes deste tipo de actividades.
Pola súa parte, Olaia Casas agradeceu que tanto a Tradescola como a Área de Cultura e Turismo da Deputación de Lugo escollesen Viveiro para levar a cabo esta actividade formativa de raíz musical e afirmou que “a Concellería de Cultura de Viveiro estará sempre disposta a poñer os medios necesarios para artellar esta colaboración e poder desenvolver todas as actividades culturais que redunden en beneficio para os viveirenses e o conxunto de mariñaos”.
A Tradescola, coa intención de complementar a formación do alumnado, e no seu afán de incrementar a presenza da música e do baile tradicional galego na sociedade actual, imparte cursiños monográficos e realiza outras actividades relacionadas coa difusión da cultura tradicional ao longo do ano. O obxectivo é ofrecer formación a todas as persoas interesadas na música tradicional e poder colaborar con asociacións de toda a provincia, a través da realización de outras actividades relacionadas co ensino da música e baile tradicionais. A actividade da escola, aínda que centrada en Lugo, trasládase así, a través de diversas accións formativas, ás distintas comarcas da provincia.
Nota de prensa 2/2
PRESENTACIÓN DAS XORNADAS DE MÚSICA TRADICIONAL ORGANIZADAS POLA TRADESCOLA EN VIVEIRO
Estas xornadas, que terán lugar o día 15 de decembro no Teatro Pastor Díaz , reunirán a preto de 700 escolares de infantil e primaria nun concerto didáctico no que se lles amosará a evolución dos instrumentos e formacións musicais que progatonizaron a historia da música galega nos últimos séculos
Lugo, 13 de decembro de 2011. A Tradescola, escola de música tradicional xestionada pola Asociación de Gaiteiros Galegos, presentou hoxe na Deputación de Lugo as xornadas de música tradicional que realizará o vindeiro día 15 de decembro en Viveiro. Á presentación das xornadas, que tivo lugar no Salón de Comisións da Deputación de Lugo, asistiron o Vicepresidente da Deputación Antonio Veiga, a concelleira de cultura do Concello de Viveiro Olaia Casas e a coordinadora da Tradescola, Mónica Fernández.
A Tradescola, no seu afán de incrementar a presenza da música e do baile tradicional galego na sociedade actual, realiza trimestralmente distintos actos como charlas, exposicións, concertos, e xornadas que achegan a numeroso público a coñecer o traballo que está a realizar a Asociación de Gaiteiros Galegos a través da Tradescola. O obxectivo é ofrecer formación a todas as persoas interesadas na música tradicional e poder colaborar con asociacións de toda a provincia, a través da realización de outras actividades relacionadas co ensino da música e baile tradicionais. A actividade da escola, aínda que centrada en Lugo, trasládase así, a través de diversas accións formativas, ás distintas comarcas da provincia.
Un exemplo disto será a actividade que a Tradescola realizará na vila de Viveiro o vindeiro día 15 de decembro. Nesta actividade, preto de 700 alumnos de infantil e primaria dos centros CEP LOIS TOBIO, EEI SAN ROQUE e CPR LANDRO se achegarán ao Teatro Pastor Díaz de Viveiro para aprender e disfrutar cun concerto didáctico (tres pases) impartido polos mestres Bruno Villamor, Andres Penabad e Xose Lois Romero, e no que se lles amosará a evolución dos instrumentos e formacións musicais que progatonizaron a historia da música galega nos últimos séculos e os distintos ritmos, instrumentos e melodías protagonistas da música tradicional e popular galega.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
