Nota de prensa
ORZAMENTOS MUNICIPAIS 2012: RECORTES E MÁIS RECORTES
O goberno municipal do Partido Popular de Burela aprobou o pasado luns, co noso
voto en contra, os orzamentos do concello para o ano 2012 e estes son algúns dos puntos máis
importantes que todos os veciños e veciñas deben coñecer:
1. Hai un importante recorte de persoal que supón tamén un recorte de servizos: menos
policía local, menos GRUMIRes e menos persoal para o servizo de axuda no fogar. Por
certo, tamén aprobou neste Pleno o Partido Popular, co noso voto en contra, unha
subida de 3 € a hora (pásase de 9 a 12 ou 13 € por hora) polo servizo de axuda no
fogar que teñen que pagar os usuarios. O Partido Popular tamén vai recortar
prestacións neste servizo porque aprobou unha modificación do regulamento deste
servizo de axuda no fogar que di que, cando se trate de incorporar unha nova alta na
atención domiciliaria, sacaráselle este servizo a outra persoa que estaba disfrutando
del e que teña menos puntuación que a nova alta.
2. O Partido Popular de Burela elimina os convenios cos clubs deportivos (fútbol, fútbol
sala, baloncesto e natación) e, a cambio, destina 8.500 € para unha empresa privada
que levará as escolas deportivas.
3. O Partido Popular enganou aos colectivos e asociacións cando na campaña electoral
lles prometeu subvencións porque nos orzamentos municipais non aparece nin un só
euro para este concepto.
4. O equipo de goberno do Partido Popular sáenos máis caro que o anterior goberno
municipal (100.000 € ao ano para tres persoas), outra mentira máis do Alcalde que
dixo no mes de xuño que ía aforrar cartos co seu equipo.
5. En contra do informe de intervención que recomenda limitar o gasto de persoal e as
novas contratacións, o Partido Popular de Burela aproba dentro dos orzamentos crear
dúas novas prazas de auxiliar administrativo (unha para Intervención e outra,
supoñemos, para secretaria do Alcalde) que, ao noso entender, son totalmente
innecesarias e que só responden ao pago de favores políticos pero que nos van
custar case 30.000 €.
6. O Partido Popular de Burela considera que é un gasto superfluo o aluguer do local
onde se xuntaban para o seu lecer os nosos maiores e pechou este local (a día de
hoxe estas persoas están na rúa). E , sen embargo, van gastar 8.000 € nunhas
máquinas para o control do persoal municipal.
En resumo, son uns orzamentos para 2012 que recortan persoal, servizos e axudas, coa
excusa da crise e da falta de ingresos, pero que esconden despilfarros de, por exemplo,
100.000 € en tres dedicacións exclusivas, 8.000 € para unhas máquinas de control de persoal e
30.000 € en dúas novas prazas de auxiliar administrativo totalmente innecesarias e
sospeitosamente oportunas agora.
Este é o balance dun equipo de goberno que non presentou ningún proxecto ilusionante
de futuro, que se limita a xestionar os recursos existentes pero que non aspira nin traballa por
conseguir máis servizos, máis ingresos ou máis prestacións para o noso pobo. En seis meses de
goberno municipal este é o balance do Partido Popular: subida de impostos, cobrar por todo
(ata por casar), apagar as luces das rúas e recortar e recortar nos orzamentos para o ano que
vén.
Un equipo de goberno do Partido Popular que, tamén no Pleno do luns, votou en contra da
nosa moción para incluír obras e servizos básicos para Burela nos orzamentos da Xunta para o
ano 2012 como son o acceso ao porto, a ampliación do Hospital, unha nova escola infantil ou a
limpeza e dragado do encoro de Rúa para garantir a nosa auga. O Partido Popular de Burela
non cre que o noso pobo necesite estas actuación e negouse a apoiar a nosa petición
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
