Nota de prensa:
CDM Bembrive 4-2 Panificadora do Eo
A madrugada, os 300 quilómetros percorridos e case catro horas de viaxe para disputar ao mediodía en Vigo o encontro correspondente á 10ª xornada de Autonómica marcaron as xogadoras ribadenses, que viron como se lles escapaba na segunda metade o partido ante o Bembrive (4-2); as mariñás conservaron un resultado favorable 1-2 ata o minuto 31.
Adiantouse no marcador o Bembrive por mediación de Irene ao recoller un rexeitamento de Antía despois dun potente disparo desde a banda dereita, que Elena non conseguiu tapar. O perigo de gol roldaba ambas as porterías aínda que nos primeiros compases do partido eran as viguesas as que impuñan o seu dominio, que aos poucos foi minguando ata o 1-1 conseguido por Ana nun bonito pase de Elena que deixou a goleadora soa diante da portería local. Así se chegou ao descanso.
Na continuación as de Martínez adiantaron as súas liñas con roubos de balóns con frecuencia na zona de creación das locais; así transcorría o minuto 27 cando de novo Elena, pletórica de calidades, roubou un balón ao seu par e noutro excelente pase á entrada de Ana deixou a esta de novo para marcar a porta baleira.
As ribadenses empezaron a notar o cansazo acumulado pola viaxe e o malgaste físico, o que se traduciu no segundo gol local conseguido por Raquel ao rematar desde dez metros un saque de esquina que Carla non conseguiu desviar. Tres minutos máis tarde, nunha desafortunada xogada para as visitantes, deixou o balón de novo aos pés de Raquel, que marcou a porta baleira.
A falta de 4 minutos para o final, Martínez utilizou a Marta como porteira xogadora e a punto estivo María de conseguir o empate ao estrelar un balón na madeira, pero a fortuna non era a aliada do Panificadora neste partido que viu como Irene roubaba un balón que Elena intentaba sacar xogando e marcaba a porta baleira o definitivo 4-2.
O próximo rival que visitará Ribadeo será o CF Meigas de Santiago, outro dos equipos da zona baixa, accesible para as locais.
Provincial feminina. Xornada de descanso do Xoula que deberá visitar o líder, Friol, na próxima xornada.
Provincial masculina. Importante punto o conseguido polo Ribadeo (3-3) ante o segundo clasificado, AD Riomao-Chamouco FS de Bóveda. Murias desde os 10 metros conseguiu o empate co tempo finalizado.
Ficha técnica
Panificadora del Eo-Ribadeo FS: Antía, Eva, Elvira, María e Elena, cinco inicial; tamén xogaron Marta, Arancha, Ana, Iria, Tania Penabad, Carla e Toñi.
CDM Bembrive FS: Cristina, Lida, Sara, Irene e Viviana, cinco inicial; tamén xogaron Paula, Lara, Sabela, Raquel, Eva e Ana.
Árbitros: Víctor Manuel Caride Comesaña e Ignacio Fernández Rodríguez, de Vigo. Mostraron cartón amarelo a Sara, polo Bembrive, e dobre amarela a Tania Penabad, polo Panificadora.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
