Nota de prensa
A ÁREA DE CULTURA DESTINA PRETO DE 600.000 EUROS EN AXUDAS A ASOCIACIÓNS E A CONCELLOS EN 2012
Antonio Veiga afirmou que se “manteñen todas as liñas de axuda de convocatorias anteriores, fronte aos recortes doutras institucións, para apoiar o asociacionismo cultural”
Mario Outeiro considera a Área de Cultura modélica nesta convocatoria, “tanto pola contía das axudas como polos prazos e facilidades para que todas as asociacións reciban o noso apoio”
A convocatoria para solicitar ditas axudas sairá publicada no BOP do 22 de febreiro deste ano
Lugo, 16 de febreiro de 2012. O vicepresidente da Deputación de Lugo, o nacionalista Antonio Veiga, e o delegado de Cultura da Deputación de Lugo, o nacionalista Mario Outeiro, presentaron hoxe as bases da convocatoria das axudas en materia cultural para este ano 2012, dirixido a asociacións culturais así como a concellos, para o que a Área de Cultura destinará, nesta ocasión, preto de 600.000 euros.
As axudas ascenderán a 590.000 euros, dos cales 430.000, “unha parte importantísima do conxunto das axudas, estarán dirixidos a apoiar o asociacionismo cultural das nosas comarcas, que son o auténtico xerme e motor da nosa cultura como galegos e galegas. Polo que podemos asegurar que neste 2012 as asociacións e colectivos culturais lucenses volven a contar co noso apoio para o desenvolvemento das súas actividades e programación cultural” afirmou Antonio Veiga , e os 160.000 restantes serán para os concellos: 100.000 euros para investimentos e equipamentos, destinados a mellorar instalacións e a comprar pequenos equipamentos para as mesmas; e 60.000 euros destinados a gastos correntes para sufragar a elaboración de actividades de carácter puntual e anual.
Dos 430.000 euros destinados a entidades culturais, os colectivos poderán solicitar dous tipos de axudas, segundo a súa actividade sexa de carácter puntual ou anual. A axuda máxima que poderá recibir cada colectivo para a realización dun evento cultural será de 6.000 euros, mentres que para a actividade anual será de 8.000 euros. As axudas para concellos destinadas a investimentos terán un límite de 6.000 euros por beneficiario, e as destinadas a adquisición de equipamentos terán un límite de 3.000 euros por beneficiario. Por outra banda, para gastos correntes e actividades dos concellos o límite fíxase en 2.500 euros para eventos puntuais, e 5.000 euros para actividades ao longo do ano.
Segundo explicou Veiga “nesta convocatoria quedarán excluídas as axudas para festas patronais e as axudas para comidas e para eventos relixiosos ao non ser consideradas actividades culturais, que xa contan cunha liña de axuda específica para o financiamento dos seus programas: “Musiqueando pola provincia de Lugo”, aprobada o venres pasado”.
Antonio Veiga fixo fincapé en que “se seguen mantendo as liñas de axuda para cultura, non como ocorre noutras administracións onde este tipo de axudas desaparecen e onde non se fai un esforzo financieiro para manter as liñas de axuda para o tecido asociativo”, e insistiu en que “a conta non está só en aforrar, senón saber investir os cartos que son de todos e de todas no benestar das persoas”.
O delegado de Cultura e Turismo, Mario Outeiro, congratulouse pola “celeridade e o bo facer dos traballadores e traballadoras da Área de Cultura, xa que estas axudas saen publicadas en febreiro e resólvense na primavera, co que as asociacións culturais teñen tempo suficiente para programar as súas actividades, algo moi diferente co que ocorre coas convocatorias doutras administracións como a Xunta de Galiza, cando anteriormente desde esta institución se convocaban axudas deste tipo, xa que as eliminou en 2011”.
Mario Outeiro indicou que “tal e como acontece desde a nosa chegada ao Goberno da Deputación, as convocatorias de axudas en concorrencia competitiva réxense por criterios obxectivos e de igualdade, de feito todos os partidos políticos da corporación están representados na Comisión de Valoración, que como en anos anteriores é a encargada de valorar as axudas, o que demostra que nos atopamos ante unha administración aberta e plural onde se ten en conta a posición de todos os partidos políticos escollidos democraticamente pola sociedade”.
As bases desta convocatoria saíran publicadas no BOP o 22 de febreiro, a partir do cal asociacións e os concellos poderán solicitar este tipo de axudas culturais no prazo dun mes contado a partir do día seguinte da súa publicación. O ano pasado desta convocatoria de axudas beneficiáronse 520 colectivos culturais lucenses e os concellos recibiron axudas para 112 accións e proxectos en materia cultural.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
