Nota de prensa:
Cervo presenta as actividades do Entroido 2012
-Haberá desfiles, un espectáculo de play-back ofrecido por nenos e nenas e unha cea-baile o Día de Comadres
-O prazo para apuntarse nos desfiles de San Ciprián e Cervo remata o 17 de febreiro nos dous casos
Cervo, 12 de febreiro de 2012-O Concello de Cervo deu a coñecer hoxe todos os detalles da programación do Entroido deste ano incluíndo as actividades que se desenvolverán nas vilas de Cervo e San Ciprián. Uns programas que se estiveron perfilando nestes días en xuntanzas entre representantes do Concello e das distintas asociacións implicadas e que xa están pechados. En ambos casos haberá os tradicionais desfiles de disfraces e comparsas así como outras actividades de entretemento.
O primeiro deses actos terá lugar o vindeiro venres 17 de febreiro, Día de Comadres. Trátase dunha cea-baile no restaurante O Noso Lar de San Ciprián. Todas as mulleres que queiran participar terán que anotarse no propio establecemento hostaleiro ata o día 14 deste mes e para iso deberán abonar 18 euros no momento de apuntarse.
Ao día seguinte, o 18 de febreiro, ás 18:30 horas os protagonistas serán os cativos, que ofrecerán un espectáculo no salón de plenos da Casa Consistorial de Cervo. En concreto, consistirá nun play-back infantil no que os nenos e nenas farán imitacións de artistas de actualidade perfectamente caracterizados.
Os desfiles de disfraces e comparsas tamén estarán presentes como é tradicional no Entroido. No caso de Cervo, o desfile terá lugar o domingo 19 de febreiro ás 18:00 horas polas rúas da localidade. A comitiva sairá do pavillón da vila, onde unha hora antes se concentrarán todos os participantes. As persoas ou grupos interesados en formar parte deste evento poden apuntarse ata o día 17 poñéndose en contacto coa asociación Airiños do Xunco, aínda que tamén poden facelo no momento da concentración, ás 17:00 horas do mesmo día.
En canto ao desfile de San Ciprián celebrarase o Martes de Entroido, o 21 de febreiro, ás 18:00 horas. As persoas, grupos ou comparsas que desexen participar neste acto terán que inscribirse e poden facelo ata o 17 deste mes achegándose ata a Casa da Cultura de San Ciprián en horario de oficina. En ambos eventos elixiranse os mellores disfraces e comparsas en distintas categorías e farase entrega dos correspondentes premios.
Dende o Concello, a edil de Cultura Tania González agarda que o Entroido sexa un éxito “e por iso animamos a todos os cervenses a implicarse nos distintos actos para entre todos poder facer un Entroido dinámico e participativo”.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
