CIG-A Mariña tratará da Reforma Laboral da Folga Xeral do 29-M nunha asemblea en Burela
Nota de prensa
CIG-A Mariña celebra asemblea de delegadas/os para abordar a Reforma Laboral e preparar a Folga Xeral do 29-M.
A asemblea celebrarase mañá día 1 en Burela e marcará o inicio da campaña que culminará o 29-M coa Folga Xeral.
A CIG da Mariña abordará mañá coas súas delegadas e delegados a Reforma Laboral, explicando esta e a súa incidencia na acción sindical. Esta é unha Reforma que, segundo o Goberno busca, por un lado loitar contra o desemprego e por outro flexibilizar o mercado de traballo. Pero a realidade é que simplemente cun sucinto repaso ao contido da mesma, resulta evidente que será unha Reforma inútil e ineficaz en ambos cometidos. Esta reforma laboral non servirá para crear emprego. Simplemente se tomou o pretexto da crise para desequilibrar a balanza das relacións laborais para a banda da empresa e expandir o medo á perda do emprego como poderosa ferramenta de logro de beneficios. As medidas adoptadas polo Goberno do PP o que van facer é reducir o consumo á mínima expresión polo que non só cada vez haberá máis parados, senón que os autónomos, comerciantes… verán en serio perigo os seus negocios ante a falta de clientes e movementos. É unha Reforma que, unha vez máis, conleva que os pobres sexan máis pobres e os ricos máis ricos, que unha vez máis, faga cargar á parte máis débil coa rémora dunha crise que xeraron outros, os mesmos que agora paradoxicamente voltan a ser beneficiados con esta medida.
E na nosa comarca esta Reforma pode ser a gota que desborde o vaso logo da situación de agonía laboral e económica na que nos atopamos logo dos ERES de Hermida, Ecar,Mon, Ecesa, Sargadelos…
Polo tanto a CIG vaise opoñer enérxica e contundentemente a esta Reforma e para iso ten preparada unha intensa campaña de concienzación e mobilización social que tinguirá de actos o país en xeral e a nosa comarca en particular.
O primeiro deses actos será mañá xoves 1 en Burela onde se explicará ás delegadas e delegados o contido da reforma, a importancia de informar do mesmo nos centros de traballo e a necesidade de combater ese tipo de medidas.
Por outra banda o día 10 de marzo, Día da Clase Obreira Galega, a CIG ten convocadas manifestacións nas 7 cidades galegas. Dado o simbolismo dese día e a especial situación que a clase traballadora sufre nestes momentos agardamos que a presenza sexa masiva. Neste caso dende CIG A Mariña fretaremos autobuses dende as localidades para acudir á manifestación de Lugo.
Asimesmo , e dada a importancia que esta Reforma Laboral ten, xa que probablemente sexa o maior ataque aos dereitos laborais da clase traballadora, dende a CIG A Mariña convocaremos asembleas abertas e a pé de rúa nas principais localidades mariñás, asembleas que non están confirmadas aínda en lugar, data e hora pero que publicitaremos convenientemente.
Estes actos veranse ademais acompañados por outros que mañá se decidirán na Asemblea de delegadas/os , así como de asembleas en todos centros de traballo e repartos de material.
A campaña rematará o día 29 de marzo, antes que remate a tramitación parlamentaria da Reforma, coa Folga Xeral que a CIG tén convocada e para a que ante a gravidade do que se nos aveciña convidamos ao resto de centrais sindicais a sumarse á mesma.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
