Nota de prensa
O CERTAME DE POESÍA PROMOVIDO POLA BIBLIOTECA NODAL DE LUGO RECOÑECE OS TRABALLOS DE ESCOLARES DE NOVE CENTROS DA PROVINCIA
Os premiados, seleccionados entre os traballos presentados en 22 bibliotecas municipais e na propia Biblioteca Nodal, dependente da Consellería de Cultura e Educación, recibirán os seus galardóns e senllos lotes de libros nun acto que se levará a cabo o vindeiro día 15
Lugo, 13 de febreiro de 2012.- A Biblioteca Provincial Nodal, dependente da Consellería de Cultura, Educación e Ordenación Universitaria, deu a coñecer os nomes dos gañadores do Certame Provincial de Poesía Infantil Nadal 2011, convocado por esta institución e no que participaron traballos seleccionados entre os presentados en 22 bibliotecas públicas municipais, así como a propia institución promotora.
A decisión do xurado deparou o recoñecemento para rapaces vencellados a bibliotecas de nove concellos da provincia de Lugo. En concreto, aos centros bibliográficos de Ribadeo, Foz, Antas de Ulla, Lugo, Burela, A Fonsagrada, Lourenzá, Barreiros e Sober.
O xurado, que estivo presidido por José Carlos Rodríguez Andina, responsable da Área de Cultura da Delegación Territorial de Lugo, formando parte como vogais Marisol González Regal, directora da Biblioteca Provincial Nodal; Jaime Santoalla Varela, inspector de Educación, e actuando como secretario Xulio Giz Ramil, da Consellería de Cultura, Educación e Ordenación Universitaria, coincidiu en sinalar a alta calidade das creacións presentadas a concurso. O fallo do devandito xurado recoñece específicamente os traballos dos seguintes rapaces:
Categoría A (Ata 8 anos)
Saray López Coto, 8 anos. Biblioteca Pública Municipal de Ribadeo
Sonia González Cuesta, 7 anos. Biblioteca de Foz
Matías Prieto Cabaleiro, 7 anos. Biblioteca de Foz
Accésits:
Uxía Pacín García, 8 anos. Biblioteca de Antas de Ulla
Jorge Estraviz Cerdeira, 8 anos. Biblioteca Provincial de Lugo
Categoría B (9 a 11 anos)
Alejandra López Peña, 9 anos. Biblioteca de Ribadeo
Saleta Martínez Tella, 9 anos. Biblioteca de Ribadeo
Iago Montero Gradaílle, 9 anos. Biblioteca de Burela
Accésits:
Laura Fernández Alonso, 10 anos. Biblioteca da Fonsagrada
Adrián Estraviz Cerdeira, 11 anos. Biblioteca Provincial de Lugo
Categoría C (12 a 16 anos)
Maria Elena López González, 16 anos. Biblioteca Provincial de Lugo
Codés Lillo Irimia, 14 anos. Biblioteca de Lourenzá
Ángela Torviso Fernández, 15 anos. Biblioteca de Ribadeo
Accésits:
Elisa Vilaseca Esaverdeiro, 13 anos. Biblioteca de Barreiros
Ánxela Jorge Vidal, 12 anos. Biblioteca de Sober
Os premiados recibirán cadansúa estatuíña dos Nenos lectores de Sargadelos, diploma e lote de publicacións, mentres que os accésits, concedidos en razón da calidade e cantidade dos traballos presentados a concurso, serán recoñecidos con diploma e lotes de publicacións. O acto de entrega de premios desenvolverase no salón de actos da Biblioteca Provincial Nodal de Lugo o vindeiro día 15, a partir das 18.00 horas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
