O goberno de Cervo di que a Xunta amañará o camiño ao cemiterio de San Román

Nota de prensa
O goberno de Cervo di que os socialistas saben que a Xunta arranxará o camiño ao cemiterio de San Román

-O executivo local non entende como o PSOE cervense pide unha actuación que xa ten consignación orzamentaria

-O goberno municipal asegura que os socialistas tiñan coñecemento de que a Xunta arranxará esta pista

Cervo, 25 de febreiro de 2012-O goberno de Cervo asegura que “por máis que o intentamos, non entendemos aos socialistas cervenses”, en referencia á petición feita por este grupo para arranxar o camiño que vai ao cemiterio de San Román. O executivo local non consegue comprender “como poden solicitar unha actuación que saben que xa está contemplada e que financiará a Xunta”. O goberno explica que o 31 de xaneiro entrou por Rexistro a aprobación do proxecto para arranxar esa pista á que eles fan referencia, e que ademáis xa ten consignación orzamentaria. “O máis grave é que eles, que van ao rexistro e se informan das comunicacións que nos chegan, saben que esa pista ten unha solución contemplada, e aínda así, insisten en pedir algo que xa temos tramitado”.

“Coñecemos a súa afección a facer trampas e terxiversar as cousas, por iso non nos extrañamos cando se botan medallas sobre a construcción da área de descanso e o aparcadoiro ao carón do camposanto ao que fan referencia”. Ditas actuacións “recibiron na mesma medida o apoio económico do Concello de Cervo”, explica o goberno cervense.

En canto ao arranxo dunhas pistas privadas das que falan os socialistas, “descoñecemeos a que se refiren xa que temos constancia de que todos os camiños e estradas que arranxamos son públicas”. Ao mesmo tempo “convidamos aos socialistas a facer memoria”, xa que “quizais se teñan confundido e se refiren a arranxos en vías privadas que foran pagados con cartos saídos da Deputación”.