NBota de prensa
A REDE MUSEÍSTICA ACOLLERÁ UNHA MOSTRA DE CINE DO FESTIVAL INTERNACIONAL DE CINE EUROÁRABE AMAL
Mario Outeiro indicou que “é un pracer colaborar cun proxecto que pretende achegar o cine e a cultura doutros países”
Esta mostra desenvolverase en cinco xornadas, do 19 ao 23 de marzo no Museo de Lugo, nas que se exporán pezas cinematográficas producidas na rexión do Magreb, así como outros ciclos no resto de Museos da Rede
Lugo, 15 de marzo de 2012. O delegado de Cultura e Turismo da Deputación de Lugo, o nacionalista Mario Outeiro, participou esta mañá na sala multiusos do Museo Provincial de Lugo na presentación da Mostra de Cine do Festival Euroárabe Amal, cine do Magreb, dentro do programa de actividades culturais que leva a cabo a fundación Araguaney-Puente de culturas, entidade organizadora do festival. Na presentación tamén estivo o director do festival, Ghaleb Jaber Martínez, quen agradeceu a colaboración para poder achegar a Lugo esta mostra “porque Amal é un festival galego, non só de Compostela”
Esta mostra levarase a cabo en cinco xornadas, do 19 ao 23 de marzo, no Museo Provincial de Lugo, todas elas ás 19.00 horas, nas que se proxectarán as seguintes pezas cinematográficas, dentro das que se inclúen curtametraxes, películas, documentais e pezas de ficción, gravadas na súa maioría na rexión do Magreb: Una vida corta, Khalid, Un día en Smara, Los condenados del mar, Garagouz, Bumerán, Al Madina, Ropa sucia, Goulili, Salah Azzaz, e Territorio perdido. Con esta mostra, desde a organización pretenden ofrecer unha instantánea sobre o Magreb con coproducións de Marrocos, Arxelia, e Túnez, presentadas nas tres últimas edicións do Festival Amal.
Con este tipo de iniciativas a fundación Araguaney pretende abrir unha porta de colaboración con todas as entidades e institucións que teñan como obxectivo común o diálogo intercultural, ó mesmo tempo que difunde o cine árabe e concilia diferentes culturas. As mostras Amal ofrecen a oportunidade de acercar aos espectadores a un cine difícil ou imposíbel de ver nas salas de distribución comerciais.
Mario Outeiro indicou que “desde a Área de Cultura da Deputación é un pracer poder colaborar cun proxecto que pretende achegar o cinema doutros países que dificilmente se podería ver aquí se non é grazas a iniciativas deste tipo, polo que desde un primeiro momento acollemos a proposta e mantivemos unha colaboración para que esta mostra de cine, dentro do festival Amal, chegase a Lugo”. “Para nós é importante, ademais de que como lucenses e galegos coñezamos e poñamos en valor aos nosos creadores e as nosas manifestacións artísticas, que tamén os nosos cidadáns poidan achegarse a outras culturas a través da experiencia, neste caso, cinematográfica, polo que consideramos moi acaído que esta mostra poida desenvolverse nas instalacións do Museo de Lugo desde este luns 19 de marzo e até o venres 23”.
Ao mesmo tempo, Mario Outeiro indicou que tamén se van desenvolveran mostras similares nos outros tres museos da Rede Museística Provincial: o Pazo de Tor, de Monforte, acollerá a mostra “Mulleres”, a Fortaleza de San Paio de Narla, de Friol, acollerá a mostra “Inmigración” e o Museo Provincial do Mar, de San Cibrao, acollerá a mostra “Mozas e mozos”. Coa presenza desta actividade en todos os museos da Rede Museística, é posible achegar o cine do Magreb a unha maior parte da poboación lucense.
Segundo afirmou o director do Festival Internacional de Cine Euroárabe Amal, desde 2004, Ghaleb Jaber Martínez, “trátase de tender unha ponte entre culturas e tamén amosar cine fóra dos circuítos comerciais que sería imposíbel ver aquí, pero que reflicte temáticas que non nos son alleas, xa que, por exemplo, os galegos coñecemos moi ben o que o drama da emigración supón para un pobo, […] e o cine xera ilusións na sociedade, porque o máis valioso que temos é aquilo que ninguén nos pode arrebatar”. Neste sentido, Ghaleb Jaber Martínez afirmou que o “cine serve para aprender, transmitir emocións, e comprobar como todas as persoas temos máis en común do que nos parece, xa que os galegos somos moi semellantes aos palestinos, gústanos a vida tranquila, a aldea e comer ben…se algunha vez os galegos van alí van dicir, isto é coma o noso”.
Programación
_____Museo Provincial de Lugo
Temática: Magreb
Luns, 19 de marzo, 19:00 h.: Unha vida curta (15‘) Khalid (15‘) Un día en Smara (24‘).
Martes, 20 de marzo, 19:00 h.: Os condenados do mar (71‘) .
Mércores, 21 de marzo, 19:00 h.: Garagouz (21‘) Bumerán (26 ‘) Al Madina (14 ‘).
Xoves, 22 de marzo, 19:00 h.: Roupa sucia (20’) Goulili (15’) Salah Azzaz (22’).
Venres, 23 de marzo, 19:00 h.: Territorio perdido (75’).
_____Museo Fortaleza San Paio de Narla (Friol)
Temática: Inmigración
Martes, 20 de marzo, 19:00 h.: Os esquecidos de Cassis (71‘).
Mércores, 21 de marzo, 19:00 h.: Al Madina (14 ‘) A autoridade (10‘) Deus, o mar e a noite (25‘).
Xoves, 22 de marzo, 19:00 h.: Salah Azzaz (22’) Beirut (17 ‘) Bumerán (26 ‘).
Venres, 23 de marzo, 19:00 h.: Queimando o Estreito (50’).
_____Museo Provincial do Mar (San Cibrao, Cervo)
Temática: Mozos e mozas
Martes, 20 de marzo, 19:00 h.: Warda (4‘) Hudud (8‘) A miña humilde historia (32‘) .
Mércores, 21 de marzo, 19:00 h.: Mudo (20‘) Garagouz (21‘) Hiyab (8‘).
Xoves, 22 de marzo, 19:00 h.: Skalid (15’) O vendedor de panos (32‘) Prohibido o paso (8‘).
Venres, 23 de marzo, 19:00 h.: Shooting Muhamemed (50’).
_____Museo Pazo de Tor (Tor, Monforte de Lemos)
Temática: Mulleres traballadoras
Martes, 20 de marzo, 19:00 h.: Monecas, unha muller de Damasco (53‘).
Mércores, 21 de marzo, 19:00 h.: Un día en Smara (24 ‘) Prohibido o paso (8 ‘) Beirut (17 ‘).
Xoves, 22 de marzo, 19:00 h.: A muller policía (14 ‘) A miña moneca de trapo (26 ‘) A criada (19 ‘).
Venres, 23 de marzo, 19:00 h.: Sensibilidade en feminino (15’) O do da cigoña (14’) Fiasco (19’).
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
