Nota de prensa
Cervo celebrará o Día da Muller Traballadora con teatro e unha entrega de premios
-As mulleres serán as protagonistas dos actos programados polo Concello para este venres día 9
-O grupo de teatro Ardora de San Ciprián, integrado só por mulleres, interpretará a obra “Nécoras verdes”
-Farase entrega dos premios do campionato de mulleres de Tute e Parchís que remata este xoves
Cervo, 7 de febreiro de 2012-O Concello de Cervo deu a coñecer hoxe o programa de actos previstos para conmemorar o Día da Muller Traballadora que terán lugar o vindeiro venres 9 de marzo. As actividades desenvolveranse na Casa da Cultura de San Ciprián a partir das 20:30 horas e arrincarán coa representación da obra de teatro “Nécoras verdes” a cargo da agrupación local Ardora, integrado exclusivamente por mulleres. A peza, estreada no mes de setembro neste mesmo lugar, conta a historia dun grupo de mulleres de San Ciprián que se esforzan por saír adiante a pesar das dificultades. Unha obra orixinal de Francisco Piñeiro, dirixida por María Paz Rodríguez e interpretada por unhas cervenses que levan máis de cinco anos subíndose aos escenarios.
Os actos continuarán ao remate da obra teatral, cando terá lugar a entrega de premios do campionato de Tute e Parchís no que participaron preto de 30 mulleres. Un torneo que comezou no mes de febreiro e que remata mañá xoves coa fase final da que sairán as gañadoras. Deste xeito, o goberno local pretende celebrar o Día Internacional da Muller Traballadora “reivindicando o papel das mulleres na sociedade e na loita pola igualdade total, unha tarefa na que tamén se teñen que implicar os homes” asegura a edil de Igualdade, Pilar Álvarez, que ao mesmo tempo anima a “todos os cervenses a participar nestes actos conmemorativos”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
