Nota de prensa
Barreiros, 10 de Marzo de 2012.
O BNG PÍDELLE AO ALCALDE DE BARREIROS QUE EXPLIQUE COMO VAI GARANTIR A APORTACIÓN DO CONCELLO PARA O CONVENIO URBANÍSTICO
O Presidente da Xunta declinou respostar a esta cuestión e remitiu a responsabilidade ao Alcalde barreirense.
Ante as últimas declaracións aparecidas nos medios, nas que o Presidente da Xunta traslada ao Alcalde de Barreiros a pregunta de como se garantirá a aportación municipal ao convenio, o BNG insiste unha vez máis na necesidade de saber cal é a capacidade do Concello de Barreiros para conseguir que sexan os promotores os que aporten ese diñeiro. “O Alcalde ten anunciado reiteradamente que ese diñeiro sería aportado polos promotores, porén en ningún momento existe seguridade de que iso vaia ser así, polo que cómpre preguntarse como vai o Concello de Barreiros afrontar os 7 millóns de euros que lle corresponde segundo o convenio asinado”, sinalan desde o BNG. “No convenio non aparece recollido que esta obriga sexa dos promotores, senón que a obriga e a responsabilidade é da institución municipal; incluso así o afirmou o Presidente da Xunta na súa comparecencia despois do Consello da Xunta. Ante a pregunta formulada por un xornalista, respondeu que tería que ser o Alcalde de Barreiros quen respostara á mesma, que é a súa responsabilidade asegurar ese diñeiro e recordou que, sen a aportación municipal non haberá convenio”, explican os nacionalistas.
Para os nacionalistas barreirenses “estas declaracións supoñen unha preocupación, xa que o desentendemento da Xunta e a responsabilización do Concello de Barreiros para conseguir esa cantidade de diñeiro non pode repercutir nas veciñas e veciños; polo que o Alcalde debe respostar, tal e como o insta Núñez Feijoo e o ten instado en numerosas ocasións o BNG, se pode garantir as aportacións dos promotores.”
As explicacións da Xunta coinciden co que sempre expuxo o BNG
Segundo explica a propia Xunta de Galiza “A insuficiencia nas redes de saneamento e depuración de augas residuais na rede de abastecemento de auga potable ou na potencia na subministración de enerxía eléctrica determinaron que o Consello da Xunta de Galicia, por Decreto 15/2007, do 1 de febreiro, suspendese a vixencia das Normas subsidiarias de Barreiros e aprobase unha ordenación urbanística provisional ata a entrada en vigor dun novo planeamento plenamente acomodado á actual lexislación.” Polo tanto, desde o BNG de Barreiros, conclúen que “a propia Xunta recoñece a insuficiencia dos servizos e desdice ao Alcalde barreirense no seu empeño de xustificar unha persecución política, dando a razón ao BNG na súa postura.”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
