Nota de prensa:
Manifesto das mulleres do Concello de Lourenzá
Día Internacional da Muller
Un ano máis, en todo o mundo, dende xa fai máis dun século o 8 de marzo únense voces e vontades para conmemorar o Día Internacional da Muller.
Neste día pásase balance dos retos acadados, pero tamén das dificultades que tantas e tantas mulleres pasaron ao longo dos anos, para que as mulleres de hoxe en día vivamos coa ilusión de deseñar novos retos e reclamar os nosos dereitos. Se aínda temos que vivir con ilusión este día é por que a discriminación a día de hoxe persiste.
As mulleres do Concello de Lourenzá, cremos que é necesario seguir poñendo enriba da mesa a situación de desigualdade que moitas mulleres seguen a sufrir, insistir na necesidade de traballar no grave problema do desemprego ou da precariedade laboral, que afecta de maneira tan importante ás mulleres de todas as idades, así como na eliminación da lacra da violencia de xénero.
Reclamamos o que é unha xusta e digna aspiración á que o conxunto da sociedade debe sumarse, e por suposto, tamén os homes: sen a súa colaboración non o lograremos.
A falla de visibilización do traballo desenvolvido polas mulleres, as diferenzas nas percepcións salariais, o desigual reparto das tarefas domésticas e das responsabilidades familiares, ou as diferenzas existentes na esfera da toma de decisións son só algúns dos retos pendentes. Non se trata só de avanzar cuantitativamente en materia laboral senón que ese avance veña acompañado de melloras cualitativas.
A complexidade da tarefa pendente non nos debe desalentar nin debe ser un obstáculo para esta aspiración, ao contrario, debe ser un motor que nos impulse no avance, sobre a base de que cada ameaza pode e debe converterse nunha oportunidade.
Os avances en materia lexislativa son innegables, non obstante, todos os modos de discriminación deben ser erradicados, de aí a importancia de continuar avanzando na educación en igualdade, para que as xeracións vindeiras vivan nunha esfera de respecto á diversidade, de tolerancia e de paz, superando antigos conceptos, actitudes e comportamentos que están na base da desigualdade existente entre mulleres e homes.
Insistimos na necesidade de avanzar cara a unha sociedade na que mulleres e homes sexan diferentes en tanto a persoas, pero iguais en dereitos e oportunidades, e as mulleres do Concello de Lourenzá seguiremos traballando para acadar estes obxectivos. Só desta forma contribuiremos a crear unha sociedade máis igualitaria, máis democrática e máis feliz.
As mulleres do Concello de Lourenzá, non vamos traizoar a aquelas mulleres ás que chamaron tolas, visionarias ou no mellor dos casos soñadoras por non resignarse a vivir en desigualdade e ás que tanto debemos, dende Lourenzá, seguiremos loitando e dando a cara por unha sociedade máis xusta e máis libre, por unha sociedade en igualdade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
