Nota de prensa
OS MEXILLÓNS PROTAGONIZAN A NOVA FESTA GASTRONÓMICA QUE SE DESENVOLVERÁ EN FOZ MAÑÁ VENRES E O SÁBADO. ESTÁ ORGANIZADA POLA ASOCIACIÓN DE COMERCIANTES, INDUSTRIAIS E AUTÓNOMOS.
Foz, 15 de marzo de 2012. Mañá, 16 de marzo, comeza en Foz a festa do mexillón. Un total de 37 bares, mesóns e restaurantes ofrecerán tapas e racións deste molusco preparado ao vapor, en vinagreta, en escabeche, en empanada…
José Carlos Paleo, o presidente de ACIA Foz, indica que “o que queremos facer é animar a fin de semana previa a San Xosé e ao día do pai para que a xente disfrute tamén da primeira ruta dos viños acompañados de exquisitas tapas e racións. Convidamos a todo o mundo a achegarse a Foz os días 16 e 17 de marzo a degustar os mexillóns que atoparán nos locais participantes”.
Os que acudan a Foz poderán atopar mexillóns en: A Bodega de Mari, A Funcional, A Maseira, A Quinta, A Rambla, A Rula, A Bolera, A Ribeira, Acuario, O Chícaro, O Taco, Dallas, Happydays, May-Ros, Xoyma, Anduriña, O Rincón de Anita, Fina, Internacional, Portovello, Express, O Norte, Leytón, O Tangarte, O Tangarte Mariñeiro, Namarinos, O Náutico, O Pelolo, A Soalta, pizzería Xoiña, As Brasas, Costumes do Mar, A Sexta, Dandy, O Lar, O Mar e Portochico.
Ruta dos viños
En Foz segue tamén ata o 1 de abril a primeira Ruta dos Viños. Inicióuse o pasado 24 febreiro e durante todo este tempo os clientes dos locais participantes poderán selar as súas tarxetas nestes establecementos e entrar no sorteo de 1.200 euros en vales de compra para gastar neses locais ao longo das vindeiras semanas. Para participar no sorteo deberán ter os selos dos 35 bares, mesóns e restaurantes que se dan cita nesta I Ruta dos Viños de Foz. Hai un premio de 500 euros, un premio de 300 euros e catro de 100 euros cada un. O sorteo será o 27 de abril e poderáse seguir en directo por Radio Foz.
Esta fin de semana será posible disfrutar en Foz destes dous eventos, da festa do mexillón e da ruta dos viños. Paleo agarda que “sexan moitos os que veñan á nosa vila estes días a saborear as nosas propostas, a boa gastronomía e bós viños que atoparán en todos os locais participantes”.
Tarxeta do comercio
A Asociación de Comerciantes, Industriais e Autónomos de Foz realiza durante todo o mes de marzo unha nova campaña de promoción da súa tarxeta do comercio. José Carlos Paleo sinala que “para levala adiante repartíronse 3.000 sobres con información sobre esta nova iniciativa. Aquelas persoas que realicen durante o mes de marzo a súa primeira compra coa tarxeta do comercio de Foz obterán un desconto do 5%”. Paleo anima á clientela do comercio de Foz “a facer a tarxeta e a aproveitar esta oportunidade agora que se achega, por exemplo, o día do pai”.
ACIA Foz puxo en marcha hai uns meses a tarxeta O comercio fai pobo, compra na túa vila co obxectivo de fidelizar á clientela do comercio tradicional focense.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
