RAQUEL ARIAS EXPLICOU AOS VECIÑOS DE CANGAS DE FOZ O PROXECTO DE CONSTRUCIÓN DE BEIRARRÚAS NA TRAVESÍA DA LU-160, QUE SE LICITA MAÑÁ
A delegada territorial comunicou que a Xunta inviste 236.000 euros neste proxecto, que completa as actuacións de mellora realizadas recentemente na vía por un importe próximo aos 2 millóns de euros
Foz, 31 de maio de 2012.- A delegada territorial, Raquel Arias, visitou hoxe Cangas de Foz para explicar aos veciños e veciñas o proxecto de construción de beirarrúas na estrada LU-162 ao seu paso pola localidade, obras que serán licitadas mañá mesmo por un importe de 235.851 euros.
Arias explicou que a Consellería de Medio Ambiente, Territorio e Infraestruturas construirá beirarrúas en ambas marxes ao longo de 515 metros do tramo urbano da vía, que conecta Cangas con Ferreira de Valadouro, de xeito que a actuación contribuirá sensiblemente a mellorar a seguridade viaria na localidade.
A delegada lembrou que se trata dunha vía de conexión da comarca da Mariña que rexistra elevadas densidades de tráfico, estimándose que o radio de poboación beneficiada –de Foz e os concellos do entorno- supera os 26.000 habitantes.
Esta actuación, que desenvolve a Axencia Galega de Infraestruturas, ven a completar as obras de mellora realizadas hai uns meses e que consistiron na rehabilitación do firme da estrada, sinalización, balizamento e mellora dos sistemas de contención. Estas obras alcanzaron un investimento de 1.913.385,64 euros.
No encontro cos veciños e posterior visita á zona, Raquel Arias estivo acompañada polo alcalde de Foz, Jorge Castiñeira, e Carlos Escudero, enxeñeiro da Delegación Territorial responsable da redacción do proxecto.
Durante a xuntanza, que tivo lugar no centro sociocultural de Cangas de Foz, Arias explicou a entidade dos traballos incluídos neste novo proxecto, que foron solicitados polo alcalde e demandados polos habitantes da localidade debido ao tránsito que rexistra a travesía, tanto de vehículos como peonil.
Características técnicas
As obras serán licitadas no Diario Oficial de Galicia mañá, venres. Tras da adxudicación, contarán cun prazo de execución de tres meses.
Ademais da construción de beirarrúas, o proxecto contempla a disposición dunha rede de pluviais en cada marxe da estrada, mediante tubos de PVC de 400 mm de diámetro, conectándoas coas redes existentes para o desaugue. Ao longo dos tramos, disporanse pozos de rexistro de cada 60 metros e sumidoiros sifónicos cada 30 metros, para poder evacuar a auga procedente da calzada.
Pola súa banda, as beirarrúas construiranse con baldosa hidráulica de 30×30 centímetros, sobre mortero, formigón e zahorra artificial, con bordillo de formigón bicapa.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
