A piscina olímpica de San Ciprián acollerá o Campionato Galego Máster de Natación Open
-Está confirmada a asistencia duns 200 nadadores pertencentes a 15 clubs galegos
-É a primeira vez que unha proba destas características se desenvolve nunha piscina de 50 metros
Cervo, 28 de maio de 2012-Preto de 200 nadadores de 15 clubs de toda Galicia participarán o vindeiro 10 de xuño no Campionato Galego Máster de Natación Open que se desenvolverá na piscina climatizada olímpica de San Ciprián. Esta mañá tivo lugar a presentación desta cita deportiva na Casa do Concello de Cervo, na que estiveron presentes o alcalde, Alfonso Villares; o edil de Deportes, José Ramón Soto, o secretario da Federación Galega de Natación, Ramón Mosquera e o presidente do Club Natación PortaMiñá, Fernando Timiraos.
Na competición participarán nadadoras e nadadores federados e pertencentes a un club. En canto á idade dos deportistas, partirá dos 20 anos sen límite de idade máxima. De feito, está confirmada a asistencia de nadadores de máis de 80 anos. As categorías estableceranse en tramos de 5 anos para favorecer a igualdade nas probas. A maior parte dos competidores pertencen a clubs galegos aínda que ao tratarse dun campionato Open, está aberto á participación de nadadores doutros lugares de España e incluso a nivel internacional, polo que non se descarta a asistencia de deportistas de Portugal dada a súa proximidade.
As probas serán de 50-100 e 200 metros e de todos os estilos e modalidades, incluso de relevos. O campionato desenvolverase entre as 11:00 e as 18:00 horas cunha parada para comer.
Cabe destacar que se trata da primeira vez que unha proba destas características se realiza nunha piscina de 50 metros en Galicia e polo tanto, tamén é o primeiro campionato deste tipo que acolle a piscina olímpica de San Ciprián. Na organización deste evento deportivo participa o Concello de Cervo, a Secretaría Xeral para o Deporte, a Federación Galega de Natación, e o Club Natación PortaMiñá de Lugo.
O goberno local valorou moi positivamente que este campionato galego se desenvolva en Cervo, concretamente na piscina de San Ciprián, xa que “é necesario potenciar a utilización e aproveitamento das instalacións deportivas das que dispoñemos para que sexan cada vez máis as persoas e colectivos que gocen da piscina olímpica e se lle dea o maior e mellor uso posible” asegura o alcalde de Cervo.
Ademais, para Villares, acoller un evento destas características supón uns beneficios que van máis alá do deportivo, xa que o campionato tamén “repercutirá positivamente no sector turístico, coa chegada a Cervo de centos de persoas, entre competidores, membros dos clubs e incluso público que se acercará a presenciar este acontecemento da natación galega” remata o mandatario cervense.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
