COMEZARON AS XIX XORNADAS TÉCNICAS EXPOMAR 2012. GONZÁLEZ BARCIA SUBLIÑOU QUE O SECTOR PESQUEIRO BURELÉS É UN REFERENTE EN TODA A CORNIXA CANTÁBRICA E AVOGOU POR TRATAR CON RIGOR E CON SERIEDADE A SÚA PROBLEMÁTICAS E AS POSIBLES ALTERNATIVAS.
Burela, 10 de maio de 2012. Esta tarde foron inauguradas en Burela as XIX Xornadas Técnicas Expomar 2012, a cargo da conselleira do Medio Rural e do Mar, Rosa Quintana. O evento seguirá mañá, día no que tamén se desenvolverá o XIII Encontro Empresarial de Organizacións Pesqueiras.
O alcalde de Burela e presidente da Fundación Expomar, José Mª González Barcia, sinalou que “Burela volta a converterse nun referente para o sector da pesca un ano máis, e xa van 19, desde que se comezaron a celebrar as xornadas técnicas aquí coincidindo coa feira Expomar. Este ano, de novo, os representantes do sector, os das administracións con competencias normativas na materia e os técnicos que acoden como poñentes porán enriba da mesa a situación actual do sector pesqueiro, un sector que ten unha enorme importancia para Burela e por extensión para toda a Mariña, para Galicia e para toda a cornixa cantábrica”.
Barcia dixo que “se trata dun sector pesqueiro que ten en Burela un referente, no sentido de que Burela o que é se fixo nun 99’99% grazas ao mar. E todos sabemos os traballos e as dificultades que houbo e que hai que pasar para sacar adiante un sector, que para algúns está en crise permanente desde hai 25 anos e outros o vemos máis ante os retos continuos que se lle van presentado para poder continuar adiante. De continuar adiante a xente de Burela sabe moito, porque Burela empezou sen porto e hoxe temos unhas instalacións que son punteiras. Burela empezou como empezou con barcos que na súa época eran deficitarios en comparación con outros de portos próximos, pero hoxe en día ten unha flota moi modernizada e dotadas das últimas tecnoloxías”.
O rexedor indicou que “Burela sabe qué ten que facer neste sector, pero ás veces presenta aristas ou tensións coas normativas e coas lexislacións que desde as distintas administracións se fan e se poñen en práctica, fundamentalmente no que se refire á normativa que provén da Unión Europea e que marca un pouco a pauta de toda a outra normativa que poida emanar do goberno do Estado ou da Xunta de Galicia. É bó que unha vez ao ano se xunten en Burela responsables do sector pesqueiro, das administracións e os técnicos que actúan como poñentes para analizar a realidade actual, para analizar a problemática que agora ten e tamén os retos que nos podemos atopar no futuro a corto e medio prazo. E é bó tamén que estes retos se plantexen con rigor e con seriedade, sendo conscientes de que o sector pesqueiro é fundamental para a economía da zona e de toda a cornixa cantábrica. E eso ten que levarnos a sacar conclusións e a plantexar alternativas”.
Para González Barcia “agora mesmo hai temas candentes, a nova política pesqueira común é un asunto que ocupa e preocupa ao sector pesqueiro. É bó que as administracións escoiten aos técnicos e ao sector, é bó que o sector escoite as propostas dos técnicos e que tamén escoite as alternativas que poidan plantexar as administracións e é bó que os técnicos estean en contacto directo co propio sector, porque ninguén mellor que o propio sector sabe das súas necesidades e das súas dificultades, e máis tamén en contacto coas administracións”.
O alcalde e presidente da Fundación Expomar manifestou que “este evento se fai en Burela, porque Burela vive fundamentalmente da pesca. Burela é un porto de referencia para Portos de Galicia. Burela facturou no 2011 a nada desprezable cifra de 74 millóns de euros en venta directa. Esto debe servirnos como reflexión para que desde as administracións, con ou sen competencia na materia, nos ocupemos e nos preocupemos por un sector básico e motor da economía local e comarcal e cun peso específico no producto interior bruto da Mariña e de Galicia”. E engadiu que “desde a Fundación Expomar apoiamos de forma continuada ao sector. A Fundación Expomar pretende ser un ente que en terra dinamice ao sector pesqueiro e desde o Concello imos apoiar as iniciativas que adopte, porque somos conscientes de que é un sector moi profesional, sabe moi ben o que quere e saber perfectamente o que hai que facer para continuar traballando…e como somos coñecedores de todo esto aí vaia o noso apoio”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
