O BNG ASEGURA QUE O CONCELLO DE BARREIROS SUBE OS IMPOSTOS ÁS VECIÑAS E VECIÑOS PARA PAGAR OS GASTOS FINANCEIROS DUN CRÉDITO DE MÁIS DE 2.400.000 EUROS. OS NACIONALISTAS ADVIRTEN QUE AS INVERSIÓNS NOS VINDEIROS 10 ANOS REDUCIRÁNSE AO MÍNIMO PARA FACER FRONTE AOS GASTOS DESTE PRÉSTAMO.
Barreiros, 11 de maio de 2012. O pleno do Concello de Barreiros aprobou, cos votos en contra do BNG, a solicitude dun préstamo ICO de máis de 2.400.000 euros para facer fronte ao pago a provedores. Os nacionalistas advirten que os investimentos nos vindeiros dez anos reduciránse ao mínimo para facer fronte aos gastos deste préstamo.
O BNG explica que o seu voto en contra “vén determinado porque o endebedamento do Concello de Barreiros é consecuencia da mala xestión municipal do diñeiro público e non da situación xeral de crise, como pretenden xustificar”. Os nacionalistas inciden en que “durante os anos 2006 e 2007 se ingresaron moitos cartos neste Concello, cartos que non se viron reflectidos en inversións nin en melloras para as e os barreirenses. Pero é que ademais, o propio plan de axuste di que as inversións no Concello de Barreiros van quedar moi reducidas para, deste xeito, poder facer fronte aos gastos financeiros da operación de crédito”. Desde o Bloque Nacionalista Galego explican que “o goberno municipal está subindo taxas e impostos ás veciñas e aos veciños exclusivamente para pagarlle aos bancos, sen que o diñeiro de todas e todos se invirta no ben común das e dos barreirenses”.
Ademais, desde o BNG de Barreiros resaltan que “este crédito é consecuencia dun plan de axuste aprobado en solitario polo Partido Popular, furtando o debate do mesmo ao convocar o pleno no que se aprobou para o pasado 29 de marzo, xornada de Folga Xeral. Parece que ao Partido Popular non lle gusta contrastar un plan que hipotecará o futuro de Barreiros, como mínimo, para os vindeiros 10 anos. E pecha o tema en dous plenos convocados de urxencia: un deles sen oposición, o pasado 29 de marzo, e outro de escasos vinte minutos”.
Para o BNG “o plan de axuste, e o crédito que del se deriva, só serve para tapar a nefasta xestión municipal dos últimos anos e para que fagan negocio as entidades bancarias, xa que o Banco Central Europeo déixalle o diñeiro aos bancos ao 1% e os bancos aos concellos a máis do 5%. Tamén serve este plan para salvar ás grandes empresas, como as eléctricas, que son as grandes acredoras das entidades locais, xa que as débedas de pequenos provedores non acadarían esas cifras en ningún caso”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
