O COLECTIVO CULTURAL OLLOMAO E O GRUPO TUMBA E DÁLLE PRESENTAN O I FESTIVAL AO SON DO MASMA.
O festival celebrarase o sábado 16 de xuño durante todo o día nunha finca á beira do Río Masma, na parroquia de Celeiro de Mariñaos.
Barreiros, 29 de Maio de 2012. O vindeiro 16 de Xuño terá lugar en Barreiros, na parroquia de Celeiro de Mariñaos, a primeira edición do Festival Ao Son do Masma. Un festival nacido das iniciativas do Colectivo Cultural Ollomao e do grupo local Tumba e Dálle, que xuntaron esforzos para crear un espazo para a música folk e tradicional na comarca de A Mariña. Desde a organización, a Presidenta do Colectivo Cultural Ollomao, Tamara Rubiños Varela; explica que “ a música folk e tradicional ten moita afección na nosa comarca e, porén, non existe un espazo no que se dean encontro as persoas afeccionadas a esta música e os numerosos músicos e músicas que hai ao longo de toda A Mariña”.
Un dos compoñentes do grupo de recente creación Tumba e Dálle, Xoán Manuel Díaz Branco, afirma que “cando nos animamos a formar Tumba e Dálle partíamos da necesidade de crear espazos de difusión e puntos de encontro para a música do País e feita no País. Daí a necesidade de que a costa de Lugo contase tamén cun espazo e un festival referente. Neste sentido, Ao Son do Masma nace con vocación de continuidade e de converterse nunha cita referencial.”
Con esta motivación, a organización tratou de facer un programa de actividades completo e con entretemento durante toda a xornada que resulte atractivo e que contribúa a que o 16 de Xuño o barrio do Barral, en Celeiro de Mariñaos, sexa un fervedoiro de xente, actividades e cultura.
Neste sentido, a xornada comezará coa apertura de numerosos postos de artesanía do máis diverso (instrumentos musicais, alimentación, complementos, etc) que encherán de vida e cores a beira do Masma. Tamén pola mañá se ten previsto realizar un roteiro, ao son do Masma, para pór en valor este recurso do concello de Barreiros que tan importante economicamente ten sido no seu momento e en torno ao cal o Colectivo Cultural Ollomao centra a actividade deste ano 2012 co fin de reivindicar os recursos naturais e económicos de Barreiros.
Na hora do xantar, a organización contará con racións e bebidas a módicos prezos para que as persoas asistentes poidan disfrutar de toda a actividade sen necesidade de saír da propia finca na que se terán lugar as actividades.
No mediodía comezarán as actuacións musicais a cargo do Grupo Arandela de O Incio, que animará toda a xornada, e a continuación terán lugar obradoiros de baile, instrumentos musicais, artesanía, etc. Tamén se celebrará o I Aberto de Billarda do Masma. Para estas actividades, os organizadores contán coa colaboración doutras asociacións do concello como O Arco da Vella ou O Varal, “tecendo lazos de colaboración e traballo conxunto entre asociacións para optimizar os recursos e lograr que, ademais, esta sexa unha xornada de convivencia do mundo asociativo barreirense”, explica Tamara Rubiños Varela.
Xa á noite, despois do día cargado de actividades, chegará o prato forte do Festival: os concertos. Nunha aposta polos grupos noveis, como o anfitrión Tumba e Dálle, acompañados de grupos de renome no panorama musical galego; actuarán a maiores dos mariñáns Tumba e Dálle, Os Modernos, Tanto Nos Ten e Quempallou.
“Nesta primeira edición quixemos contar coa presenza de Quempallou, un grupo xa consolidado na música galega, que vén de editar o seu cuarto disco e que pon o culme a unha xornada de convivencia e festa que agardamos que sexa a primeira de moitas”, asegura Xoán Manuel Díaz Branco.
A organización do festival contará tamén cunha zona de acampada habilitada para que as persoas que o desexen poidan pasar a noite e disfrutar do I Ao Son do Masma sen preocupacións.
Desde as asociacións organizadoras amósanse moi ilusionadas con esta actividade e animan a asistir durante todo o día para poder tomar parte de todas as actividades programadas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
