O goberno leva a pleno un convenio para que a veciñanza poida facer en Cervo os seus trámites con Tráfico
-A veciñanza non terá que desprazarse ata a Xefatura Provincial de Tráfico para facer xestións como cambios de domicilio do permiso de conducir
-Na orde do día inclúese tamén unha moción para a mellora da competitividade de Alcoa que inclúe unha serie de medidas relacionadas coa tarifa eléctrica
Cervo, 30 de maio de 2012-O goberno de Cervo vén de informar dos asuntos que se debaterán no pleno ordinario do mes de maio que terá lugar mañá ás 20:00 horas. Na orde do día inclúese a adhesión do Concello cervense ao convenio da Xefatura Central de Tráfico e a FEMP para a axilización de trámites administrativos. Este acordo permitirá á veciñanza realizar xestións como o cambio de domicilio dos permisos de circulación ou de condución no propio municipio de Cervo, evitando así os desprazamentos á capital lucense, onde se atopa a Xefatura Provincial de Tráfico.
Ademais, na sesión abordaranse dúas mocións propostas polo grupo municipal popular. A mellora da competitividade da empresa Alcoa e o mantemento dos niveis de emprego actual na factoría son os obxectivos da primeira das mocións. Nela, o PP de Cervo propón unha serie de medidas relacionadas coa tarifa eléctrica que paga a planta, e que supón un dos gastos máis importantes aos que fai fronte.
Entre as accións que establece a moción, atópase a recomendación ao Goberno do Estado de impulsar un acordo urxente de prezos entre as empresas produtoras de electricidade e as grandes consumidoras de enerxía, como é o caso de Alcoa. Dito acordo terá que implicar unha diminución dos prezos vixentes para así favorecer o desenvolvemento dos Plans estratéxicos das industrias afectadas. No texto tamén se solicita a revisión das tarifas de acceso para os grandes consumidores de enerxía que inclúa só e exclusivamente os custos asociados á rede e os de operación do sistema.
O grupo municipal popular tamén se dirixe á Xunta de Galicia para pedirlle que poña en valor o carácter estratéxico da planta de Alcoa en Galicia pola súa produción de alúmina-aluminio, pola súa achega ao valor engadido e polo volume de emprego xerado.
Esta moción xa foi aprobada no mes de abril no Parlamento galego coa unanimidade de todos os grupos. Agora preténdese reforzar as reivindicacións coa suma dos esforzos dos concellos.
“Alcoa é unha empresa clave en Cervo, na Mariña e en toda a provincia e por iso as administracións debemos reunir apoios para tentar a súa supervivencia como gran xeradora de emprego e como unha das empresas máis importantes a nivel industrial en Galicia” asegura o alcalde, Alfonso Villares, que agarda exista “unanimidade na aprobación de dita moción xa que os seus obxectivos son facilmente asumibles por todos”.
Axuda no fogar
A segunda moción formulada polo PP de Cervo fai referencia ao Servizo de axuda no fogar e o seu financiamento. Na proposta de acordo ínstase á Xunta a que siga financiando este servizo para persoas con dependencia e tamén aos traballadores e traballadoras sociais de todos os concellos de Galicia. Solicítase tamén a axilización do seu financiamento co obxectivo de mellorar a capacidade económica das administracións locais. Con todo, os populares lembran que a Xunta xa realizou o pagamento correspondente aos gastos do primeiro trimestre en dependencia e tamén o 50% dos gastos asociados aos traballadores do Concello de Cervo.
Na moción os populares tamén se dirixen á Deputación de Lugo para solicitar que cumpra co establecido nas distintas leis relacionadas coa axuda no fogar aprobadas polo Parlamento. Nelas establécense as competencias que lles son propias en materia de servizos comunitarios, como son a prestación de apoio técnico, económico e xurídico aos concellos.
Ao mesmo tempo, a corporación pide á Deputación que asegure o financiamento do servizo de axuda ao fogar básico así como do persoal técnico dos equipos municipais de servizos sociais con perfís profesionais diferentes ao do traballador social, como é o caso da educadora familiar en Cervo. “Polo momento non recibimos ningunha información nin chegou ningún pagamento procedente da Deputación”, explica o rexedor, “aínda que agardamos que cumpra o antes posible co aprobado no Parlamento galego” remata Villares. O grupo de goberno anunciou o seu voto favorable aos tres puntos da orde do día.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
