A dirección provincial sinala que os contactos co expresidente local de Ribadeo foron en persoa e non telefónicos
O PPdeLugo agradece os servizos prestados por Andina e lamenta que non entenda a decisión de renovar unha agrupación local que el mesmo recoñece que non funciona
Depositan a súa esperanza nos actuais integrantes da xestora local e nos que a ela podan sumarse no futuro para recuperar a iniciativa e o protagonismo perdido polo PP en Ribadeo.
Como mostra do bo trato á figura de Andina desde o PP provincial revelan que se lle ofreceu encabezar a candidatura municipal nas últimas eleccións, ofrecemento que el declinou.
Lugo, 29 de maio de 2012.- O Partido Popular de Lugo quixo saír ao paso no día de hoxe respecto das últimas declaracións aparecidas en prensa do expresidente do Partido Popular de Ribadeo, Jose Carlos Rodríguez Andina, expresándolle o sincero agradecemento polos servizos prestados ao longo da súa dilatada traxectoria política na primeira liña da responsabilidade desta formación política a nivel local e lamentando que, a xuízo das súas últimas palabras, non entenda a decisión de renovar unha executiva local que el mesmo recoñece que non funciona.
A dirección provincial dos populares lucenses lembra que a executiva local estaba nunha situación de absoluta parálise, con máis de sete anos sen convocar unha asemblea, con negativas a que concelleiros puideran participar na xunta directiva –a pesar de ser membros natos- e con reunións nas que participaban só 4 ou 5 dos 17 integrantes.
Os populares lucenses sinalan tamén que a opinión e trato da dirección provincial respecto de Rodriguez Andia foi sempre correcta e revelan que incluso nas últimas eleccións municipais se lle ofreceu encabezar a candidatura, ofrecemento que el mesmo declinou. Lamentan que agora dirixa reproches públicos contra os que lle confiaban esta responsabilidade.
OFRECERON MÁXIMA COLABORACIÓN
Desde o PP de Lugo quixeron sinalar que é absolutamente falso que a comunicación do relevo na presidencia local fora telefónica, xa que o propio Rodríguez Andina mantivo unha reunión en persoa co secretario xeral do partido, Jose Manuel Balseiro, o propio luns día 21 na sede provincial, na que se lle deu conta do camiño a seguir para o nomeamento da nova xestora e da persoa que pensaban podían encabezala. Naquel momento a reacción de Jose Carlos Rodríguez Andina foi a de amosar a colaboración “a tope pola súa parte”.
Acto seguido o martes 22, cítaselle á sede provincial ao portavoz do municipal, Manuel Valín, que indica que non pode acudir ao devandito encontro, pero aclara que pola súa parte tamén haberá máxima colaboración “aínda que non lle gustan as formas”.
Desde o PP de Lugo explican que o portavoz municipal incluso lle traslada ao presidente do PP a nivel provincial e ao secretario xeral –en conversas separadas e independentes- a urxencia de actuar renovando a cúpula do partido a nivel local e a idoneidade de situar nela ao actual presidente da xestora, Jesús López Penabad
A dirección provincial amosa a súa confianza no ofrecemento de colaboración por parte destas persoas e lamenta que despois esta non se teña materializado en feitos concretos. Ao mesmo tempo sinala como especialmente desafortunado o feito de que as críticas e debates que deberan darse no seo do partido se trasladen intencionadamente, e unha e outra vez, aos medios de comunicación, igual que vén acontecendo reiteradamente nos últimos anos nesta agrupación.
O PPdeLugo tamén lembra que o propio Rodriguez Andina como o resto dos membros da Xunta Directiva Provincial recibiron ata en tres ocasións a convocatoria para participar no encontro. O luns 21 a través dun SMS (procedemento habitual de avisos), o martes 22 por correo electrónico –convocatoria oficial- e o venres 25 un novo recordatorio vía SMS. A pesar disto, o expresidente local non participou no devandito encontro.
DIFERENCIAS ENTRE RIBADEO E RIOTORTO
A dirección provincial tamén quixo diferenciar moi claramente a situación que se da en Riotorto e en Ribadeo, lonxe da comparación que fai Rodriguez Andina. É certo que en ambas localidades procedeuse á renovación da cúpula local do partido elixindo para presidir a xestora a unha persoa que non forma parte do grupo municipal, pero no caso concreto de Riotorto, a aposta se decanta polo cabeza de lista que logrou facer ao PP a lista máis votada a un puñado de votos da maioría absoluta. Mentres que en Ribadeo, a derrota do PP foi máis que evidente, obtendo 4 de 13 concelleiros.
CONFIANZA NO FUTURO
Desde a dirección provincial queren concluír sinalando que depositan a súa esperanza nos actuais integrantes da xestora local e nos que a ela podan sumarse no futuro para recuperar a iniciativa e protagonismo perdido polo PP en Ribadeo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
