PAREMOS ESTE SAQUEO Á CLASE TRABALLADORA GOBERNOS, BANQUEIROS, PROMOT ORES E ESPECULADORES, CULPABEIS
Os 100.000M€, postos pola a Unión Europea para sanear as contas das entidades financeiras españolas, demostran que era mentira o que dicían os gobernos do PSOE e do PP, de que o sistema financeiro español era un dos máis saneados do mundo.
Demostra tamén, que o grande problema da débeda do Estado Español é a débeda privada e non a débeda pública, como pretende facernos crer o goberno do PP ao insistirnos todos os días de que hai que recortar o gasto público pois estabamos a vivir por riba das nosas posibilidades.
O sistema financeiro ten moita responsabilidade na crise económica que estamos a padecer. Moita desta débeda privada foi contraída, entre os anos 1996-2006, por bancos e caixas de aforros, mediante préstamos que solicitaban á banca europea (especialmente á alemá), para participar na especulación do grande negocio inmobiliario, contribuíndo así a crear unha burbulla inmobiliaria coa que se fixeron ricos os promotores inmobiliarios, os accionistas e directivos das entidades financeiras e algúns que outros cargos políticos.
Agora os préstamos hai que devolvelos, a banca española non ten cartos para facelo e entón a Unión Europea, “xenerosamente”, accede a pór a súa disposición estes 100.000M€ para así garantir que a banca europea vai poder cobrar, e como non se fían da banca española, esixen de que sexa o Estado quen pida os cartos para despois prestarllos á banca, facéndose garante así o Estado de pagar o préstamo se os bancos non cumpren.
Toda esta operación o que provoca é que aumente a débeda e o déficit público do Estado. É dicir, a débeda privada dos bancos e caixas de aforros, contraída como consecuencia da irresponsábel especulación co prezo da vivenda e do solo, termínase así convertendo en débeda pública e tendo que pagala todos os cidadáns.
A devolución deste préstamo de 100.000M€ ten preferencia sobre calquera outra débeda e polo tanto a Unión Europea para garantir a devolución do préstamo e ao mesmo tempo debilitar o sistema público de protección social e o actual modelo de relacións laborais, vai esixir incrementos do IVE, maiores reformas laborais, adiantar o período fixado para facer efectiva a idade de xubilación aos 67 anos, maiores recortes no gasto sanitario e do ensino, etc.
Como podemos ver, o goberno do PP segue defendendo a pé firme os intereses dos banqueiros e dos
especuladores. Todas as medidas políticas que se están a adoptar van no mesmo camiño, garantirlles aos donos dos bancos e das grandes empresas multinacionais, os verdadeiros responsábeis desta crise económica, que os seus intereses e beneficios van estar asegurados, aínda que sexa a custa de empobrecer a maioría da poboación, de acabar cos servizos públicos e de endebedar ao Estado durante moitos anos.
Mentres que isto sucede, os responsábeis desta situación, directivos de bancos e caixas, gobernadores do Banco de España, ministros de economía, presidentes de goberno, políticos corruptos e grandes defraudadores de Facenda, non só non se lles esixe responsabilidades penais senón que son premiados con indemnizacións multimillonarias, con cargos en consellos de administración de empresas multinacionais ou entidades financeiras diversas, con amnistías fiscais, etc.
Non podemos consentir este saqueo masivo e descarado que se está a facer coas clases traballadoras, levándonos a unha situación social insostíbel e a unha situación económica sen saída.
Hai que seguir coa contestación social, mobilizándonos, denunciando esta situación, esixindo responsabilidades, pedindo a dimisión en pleno do Goberno Español e da Xunta de Galiza, por mentireiros, incompetentes e gobernar ao servizo dos banqueiros, dos especuladores e dos delincuentes que defraudan a Facenda.
A CIG denunciamos no seu momento, diante da fiscalía xeral do Estado, aos directivos das caixas de aforros de Galiza polas fortes indemnizacións que cobraron e hoxe está aberta unha investigación por parte da fiscalía anticorrupción. A CIG, conxuntamente coa central sindical vasca ELA, vimos de presentar unha denuncia, diante da sala do penal do Tribunal Supremo, contra os gobernadores do Banco de España, contra os ministros de economía dos últimos gobernos españois, así como contra o actual presidente, o sr. Rajoy e os anteriores, os sres. Aznar e Zapatero.
Non creas nin nas mentiras de Rajoy, nin de Feijoo. Non deixes que rouben os teus cartos e os teus dereitos en favor dos intereses de banqueiros e especuladores.
Deféndete, organízate e loita.
O próximo día 1 de xullo, a CIG convoca manifestacións nas sete cidades galegas, para denunciar esta situación, esixir castigo penal para os culpábeis, esixir a dimisión do goberno español e da Xunta, reivindicar a necesidade dunha banca pública, dunha política fiscal xusta, dun maior investimento público e dunha políticas económicas e sociais ao servizo dos intereses das clases populares. Maniféstate connosco, defende o teu futuro e a túa dignidade
1 de xullo
Domingo 1 de xullo ás 12:00h
dende o local do sindicato
Lugo
MANIFESTACIÓN
Paremos o saqueo
á Clase Trabalaldora
Confederación Intersinidcal Galega
www.galizacig.com
http://ciglugo.wordpress.com/
http://www
.facebook.com/ciglugoamarinha
Page 2
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
