RAQUEL ARIAS AFIRMA QUE NO MESMO TEMPO QUE LEVA GÓMEZ BESTEIRO POLEMIZANDO COAS MINIRESIDENCIAS, A XUNTA CREOU NA PROVINCIA DE LUGO PRETO DE 500 PRAZAS EN RESIDENCIAS E CENTROS DE DÍA
A delegada territorial comunica que a Xunta si autoriza a posta en marcha das residencias, pero insta ao presidente da Deputación a corrixir a solicitude e deixarse de “manobras dilatorias utilizando unha fórmula que sabe que é inviable”
Explica que, se ten vontade de facelo, pode solventar o trámite “esta mesma mañá” poñendo a solicitude a nome do organismo provincial, que si é prestador de servizos sociais en coordinación coa Administración autonómica, e non de Suplusa, como leva insistindo
Lugo, 1 de xuño de 2012.- A delegada territorial da Xunta, Raquel Arias, sinalou hoxe que “no mesmo tempo que Gómez Besteiro leva anunciando e polemizando co asunto das miniresidencias, a Xunta de Galicia creou 372 novas prazas en residencias públicas e 110 en centros de día en distintos puntos da provincia. E agora mesmo ten outras dúas residencias en licitación”.
A delegada invitou ao presidente da Deputación Provincial a resolver os supostos obstáculos que atopa para a posta en marcha de residencias “esta mesma mañá”, corrixindo a solicitude que presentou a nome de Suplusa e remitíndoa de novo a nome da propia Deputación Provincial, “porque a Deputación ten entre as súas competencias a prestación de servizos sociais en coordinación coa Administración autonómica, e polo tanto si está inscrita no Rexistro Único de entidades prestadoras de servizos sociais”.
É dicir, simplemente -insistiu Arias- “ten que solicitalo nos termos que recollen as leis, entre elas a de Servizos Sociais que e o propio PSOE e o BNG aprobaron no ano 2008”.
“Isto sábeo perfectamente, ou debería sabelo, o presidente da Deputación. O acontecido en relación a este tema fainos pensar que, tal vez, non ten ningún interese en que a Deputación poña en marcha ningunha residencia na provincia”, afirmou Arias, quen instou a Gómez Besteiro a deixarse de “manobras dilatorias como é utilizar unha fórmula que sabe que é inviable”.
“A Xunta non vai a entrar no xogo do señor Besteiro”, anunciou. “Nós seguimos a ofrecer a nosa leal colaboración para traballar en beneficio dos lucenses; nós non queremos gastar tempo e enerxías en estériles batallas con outras administracións, precisamente nun momento en que a colaboración entre institucións é totalmente imprescindible para os cidadáns”.
“Suplusa –engadiu a delegada- é unha sociedade creada na época de Francisco Cacharro para poñer en marcha polígonos industriais, e polo tanto non pode xestionar residencias, a non ser que Besteiro considere que botar alquitrán é o mesmo que atender a persoas maiores”.
Arias explicou que a Deputación sabía que Suplusa non podía construír estas residencias. Este organismo intentou a inscripción no “Rexistro único de entidades prestadoras de servizos sociais” o 31 de marzo do 2011. Quince días despois, o 14 de abril, a Consellería de Traballo e Benestar comunicoulle que non era posible, porque os seus fins non eran a prestación de servizos sociais. Suplusa non presentou recurso. “Sorprendentemente –incidiu a delegada- un ano despois, o 18 de abril de 2012, Besteiro insiste na idea, cando xa sabe que a fórmula é imposible”.
Raquel Arias censurou a práctica “habitual, desleal e hipócrita” de Gómez Besteiro de tomar unilateralmente decisións nas que logo pretende vincular a outras administracións, para finalmente “actuar unicamente botando balóns fóra ante a súa incapacidade para xestionar e a súa negativa a negociar con outras administración, especialmente coa Xunta”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
