A DEPUTACIÓN DE LUGO APROBA AS SUBVENCIÓNS PARA O SERVIZO DE AXUDA NO FOGAR
Grazas a estas axudas 64 concellos da provincia poderán continuar prestando este servizo do que se beneficiarán preto de 3.000 personas
O vicepresidente da Deputación, Antonio Veiga, asegura que “se a Xunta de Galiza mantén a súa postura de non financiar o SAF básico nos municipios con menos de 20.000 habitantes os concellos veranse obrigados a instaurar o copago”
Lugo, 29 de xuño de 2012. A Xunta de Goberno da Deputación de Lugo vén de aprobar a concesión das axudas económicas aos concellos para a prestación do Servizo de Axuda no Fogar (SAF) básico, ao que a institución provincial dedica 600.000 euros, un 20% máis que no ano anterior.
O vicepresidente da Deputación e delegado das áreas de Benestar Social e Deporte, Antonio Veiga, asegurou, en rolda de prensa, que “estas subvencións concedéronse en base a criterios obxectivos e nunha mesa técnica formada por representantes dos tres grupos políticos con presenza na institución provincial e por funcionarios, sen que na mesma nin na Xunta de Goberno de hoxe houbera discrepancia algunha sobre a súa asignación”.
Un total de 2.988 lucenses, de 64 concellos, beneficiaranse destas axudas, grazas ás que, segundo explicou Veiga, “os concellos poderán seguir prestando o Servizo de Axuda no Fogar básico despois de que a Xunta de Galiza aprobara o decreto de servizos sociais e comunitarios polo que se deixa de financiar dito servizo nos municipios con menos de 20.000 habitantes. As inversións mostran con claridade quen aposta polas políticas sociais e vela por garantir os dereitos da poboación do medio rural galego. A aportación económica da Xunta para a prestación do SAF básico é de cero euros, mentres que a aportación económica da Deputación de Lugo ascende a 600.000 euros, moito máis dos 454.000 euros que o executivo autonómico establecía no plan concertado de 2011”.
O vicepresidente do ente provincial insistiu en que “este ano, todos os concellos que solicitaron esta axuda, 20 máis que en 2011, reciben máis recursos económicos que o ano anterior, e os únicos que non perciben subvención son os que non a solicitaron. Manter o financiamento do SAF básico só desde esta institución é imposible, polo que seguimos reclamando á Xunta de Galiza que habilite liñas de axuda para os municipios de menos de 20.000 habitantes que na provincia son todos agás o de Lugo. Senón o fai, os concellos terán que recurrir ao copago e cargar sobre os usuarios o custe do servizo, profundizando aínda máis nas diferenzas sociais que hai entre a Galiza rural e a urbana”.
Veiga concluíu a súa intervención solicitando unha vez máis ao Goberno galego que rectifique e modifique o decreto de servizos sociais, que continúa na liña de recortes en materia de políticas de benestar iniciada en 2010, e demandando un maior compromiso coa provincia de Lugo. “A Xunta non pode seguir negándose a financiar os servizos sociais e comunitarios en 66 dos 67 concellos da provincia. Tanto en servizos sociais coma en educación, o executivo autonómico está a priorizar as inversións na vertente atlántica”.
—–
Listaxe de concellos beneficiarios da subvención en concorrencia competitiva para afrontar os
gastos derivados da prestación do Servizo de Axuda no Fogar en 2012 outorgada pola Área de
Benestar Social da Vicepresidencia Primeira da Deputación de Lugo.
CONCELLO
SUBVENCIÓN
Nº de destinatarios/as
Abadín
5.495,00 €
28
Alfoz
7.352,00 €
43
Antas de Ulla
6.339,00 €
43
Baleira
6.992,00 €
46
Baralla
7.101,00 €
50
Barreiros
8.235,00 €
36
Becerreá
6.127,00 €
36
Begonte
1.316,00 €
26
Bóveda
7.044,00 €
18
Burela
16.790,00 €
120
Carballedo
373,00 €
65
Castro de Rei
3.050,00 €
11
Castroverde
2.709,00 €
34
Cervantes
2.876,00 €
33
Cervo
4.737,00 €
40
Chantada
12.777,00 €
44
Corgo
5.475,00 €
48
Cospeito
3.728,00 €
14
Folgoso do Courel
4.437,00 €
22
Fonsagrada, A
24.836,00 €
110
Foz
6.618,00 €
50
Friol
2.623,00 €
35
Guitiriz
13.980,00 €
70
Guntín
1.529,00 €
18
Incio, O
5.943,00 €
18
Láncara
2.752,00 €
15
Lourenzá
5.618,00 €
40
Meira
7.383,00 €
30
Mondoñedo
16.183,00 €
55
Monforte de Lemos
52.345,00 €
150
Monterroso
4.417,00 €
37
Muras
6.720,00 €
24
Page 2
Navia de Suarna
8.774,00 €
27
Negueira de Muñiz
3.773,00 €
10
Nogais, As
1.224,00 €
50
Ourol
6.234,00 €
30
Outeiro de Rei
8.764,00 €
32
Palas de Rei
11.982,00 €
65
Pantón
11.462,00 €
56
Paradela
6.053,00 €
19
Páramo, O
1.190,00 €
12
Pastoriza, A
10.210,00 €
28
Pedrafita do Cebreiro
6.698,00 €
32
Pobra de Brollón
12.385,00 €
21
Pol
5.274,00 €
36
Portomarín
1.922,00 €
21
Quiroga
3.503,00 €
35
Rábade
3.414,00 €
22
Ribadeo
21.575,00 €
77
Ribas de Sil
2.555,00 €
13
Ribeira de Piquín
1.405,00 €
18
Riotorto
13.861,00 €
32
Samos
5.973,00 €
14
Sarria
6.814,00 €
22
Saviñao, O
16.053,00 €
109
Taboada
11.327,00 €
111
Trabada
3.787,00 €
22
Triacastela
4.356,00 €
17
Valadouro, O
7.918,00 €
46
Vicedo, O
8.485,00 €
44
Vilalba
44.710,00 €
134
Viveiro
40.457,00 €
150
Xermade
3.094,00 €
42
Xove
40.868,00 €
232
TOTAL
600.000,00 €
2988
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
