Comunicado Afectados Participacións Preferentes A Mariña
Xa son varios os casos de afectados polas participacións preferentes na Mariña Lucense,
temos casos confirmados no Valadouro, Foz e Burela.
Por todo isto, estamos a organizar unha reunión para a creación dunha Plataforma de
Afectados para presentar as reclamacións necesarias e poñer en coñecemento da prensa
estes casos.
E un tema moi serio, estamos a falar dos nosos aforros, do diñeiro acumulado polo
traballo de moitos anos, sabemos que hai moitas persoas afectadas, casos diferentes
pero con un nexo común, O ENGANO POR PARTE DAS ENTIDADES BANCARIAS E A FALTA DE INFORMACIÓN.
Esta fin de semana estamos a preparar unha reunión para organizarnos e coñecer caso
por caso das persoas afectadas.
Se ti es un dos afectados ou pensas que podes selo, non tes información e non sabes que
facer, podes poñerte en contacto con nós de tres maneiras diferentes:
1) Unirte a noso perfil de facebook: Afectados Participacións Preferentes A Mariña
e enviarnos unha mensaxe privada.
2) No seguinte enderezo electrónico: afectadospreferentesamarinha@gmail.com
3) Ou ben no número de teléfono: 608 191 779.
Non teñades medo en reclamar o que é voso, sabemos que hai moita xente que nestes
intres non sabe como proceder nin que facer, pero pensade que se nos quedamos calados
e cos brazos cruzados seguirán saíndose coa súa, non somos uns poucos como dicían ao
principio, somos milleiros de persoas as afectadas por esta ESTAFA BANCARIA.
Contáctanos e manterémoste informado/a do día e hora da reunión, todos xuntos
podemos!
Non podemos permitir que se queden co noso diñeiro deste xeito.
Esiximos UNHA SOLUCIÓN XA!
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
