XOULA RIBADEO-FSF LUCENSE, EN SEMIFINAIS DA COPA PROVINCIAL
As semifinais da Copa Provincial Feminina depararán o cruzamento entre o Xoula Ribadeo FS, primeiro clasificado do Grupo A, e o FSF Lucense, segundo do B. Será o vindeiro sábado, 9 de xuño, na Casa do Deporte de Lugo.
Finalizou a liga de clasificación cun Xoula que non coñece a derrota, 6 partidos, 18 puntos, 29 goles a favor e 3 en contra. Os últimos 3 puntos conseguiunos ante o Donapel Monterroso o pasado sábado en Ribadeo, ao que venceu por 6-2. Ana (2), Eva, Yoli e Nuria (2) foron as autoras dos goles ribadenses; tamén xogaron Antía, Elena, Elvira, Carla Bolaños e Tania Penabad. O Viveiro FSF foi o segundo clasificado do grupo, con 8 puntos.
O Xoula-Lucense comezará ás 17.00 horas e a segunda semifinal enfrontará o Quiroga FSF, primeiro do grupo B, co Viveiro FSF. A final medirá as vencedoras ás 20.00 horas.
Copa Provincial Masculina. O Ribadeo FS disputará a final da Copa ao superar por 3-2 o Concello de Baralla no partido de volta de semifinais. No partido de ida o resultado fora favorable aos mariñáns por 5-6. O Ribadeo adiantouse no marcador por mediación de Jacobo cunha excelente vaselina. Na segunda metade, os de Baralla conseguiron igualar o marcador, pero de novo Jacobo roubou un balón na zona media e el mesmo se encargou de pór o 2-1. Pouco máis tarde, Sergio, un dos xogadores máis destacados, conseguiu facerse cun balón cando os visitantes atacaban con porteiro-xogador e materializar o 3-1. O Concello de Baralla maquillou o resultado co 3-2 a poucos segundos do final. A final disputarase o vindeiro sábado, ás 19.00 horas, na Casa do Deporte de Lugo.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
