A Xunta Local de Seguridade de Cervo aborda a intensificación dos operativos na época estival e festas
-O Concello e a Subdelegación do Goberno traballarán de xeito coordinado para optimizar os recursos de cara a garantir a seguridade da cidadanía
-Prevese a ampliación dos dispositivos de seguridade, especialmente durante a Maruxaina e a Festa da Queimada
-No transcurso da xuntanza deuse a coñecer que os índices de delincuencia baixaron nun 14% nos primeiros meses do ano
Cervo, 29 de xuño de 2012-A Xunta Local de Seguridade do Concello de Cervo celebrouse esta mañá co obxectivo de coordinar os operativos especiais que se porán en marcha durante os meses de verán, nos que o municipio incrementa notablemente o seu número de habitantes, e tamén durante as festas, especialmente as máis multitudinarias. Unha xuntanza que se vén realizando nos últimos anos por estas datas tendo en conta as novas necesidades que leva consigo a chegada do verán.
A reunión estivo copresidida polo subdelegado do Goberno en Lugo, Ramón Carballo e o alcalde de Cervo, Alfonso Villares; e tamén participaron nela o edil de Seguridade, José Ramón Soto, así como representantes dos distintos corpos e forzas de seguridade do Estado. Un encontro no que tamén se fixeron públicos os datos de delincuencia no concello de Cervo achegados pola Subdelegación. Unhas cifras que falan dunha redución no número de delitos dun 14% nos cinco primeiros meses do ano con respecto ao mesmo período do ano anterior.
A xuntanza foi de utilidade para abordar e planificar a coordinación entre todos os colectivos e corpos implicados na seguridade da cidadanía así como para falar da necesidade de intensificar os operativos e os medios humanos dispoñibles durante eventos de envergadura como a Maruxaina ou a Queimada. Neste sentido, o rexedor pediu a colaboración de corpos como a Garda Civil e a Policía Local para garantir a boa convivencia e deste xeito “conseguir que Cervo siga sendo un concello tranquilo e seguro”.
Ao mesmo tempo, Villares fixo referencia á boa colaboración que se vén mantendo nos últimos anos entre os corpos de seguridade “e que repercute na conservación desa harmonía”, aproveitando para agradecer o seu apoio. Por último, o mandatario cervense lembrou que o Concello aínda dispón dalgunhas unidades da Policía Local a pesar de non ser obrigatorio por lei ao tratarse dun municipio de menos de 5.000 habitantes, efectivos que tamén traballarán coordinados co resto de corpos para garantir a seguridade.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
